「妹妹，可唔可以同你做個訪問呀？」這位妹妹不是警察口中留守旺角的小童，不是他們的虛構人物，這位妹妹是19歲學生，出於義憤而站在彌敦道與亞皆老街交界的路障前，而且是站在最前排的，只要警察隨意一揮他的「防守式」警棍，就可以狠狠重擊她。

10月20日晚，當警察於凌晨12時突然帶上防暴頭盔，箭在弦上似的，這位看上去有點似初中生妹妹，戴著白色頭盔和眼罩，有點驚惶失措似的，幸好，突然有一把男聲高呼：「女仔，行去後排！」說罷就拉她們到後一些的位置。（其實，阿許 Sir 話雨傘下把小童做人盾，這種講法都站不住腳，女學生企前排都被拉到後排，怎會容許小童留在前方呢？況且，大家都清楚現在的警察是「唔會手軟」） 對峙了十多分鐘後，示威者無任何衝擊，警方又無主動進擊，最後，雙方都放下戒備，而那位妹妹仍留在較前位置，我就上前：「你好，我係《熱血時報》記者，我見到你企好前呀，你係咪學生？」

她說：「熱血時報？！我有追開呀！（我當時都暗自沾沾）係呀，我係學生。」

「點解依家咁夜你都出來嘅？為咩呢？」

「我要公民提名呀！要真普選呀！」她聲音啞咽，眼泛淚光。那刻，我都打個冷震，被她的熱血、明智、堅定而感動，我當堂倒抽一口涼氣的問：「可唔可以同你做個訪問呀？你怕唔怕出鏡？」她答：「唔怕！」

謝謝你，Rachel，見到你，我就知香港有希望！