係啦，無聲嘅力量，係世上最大嘅暴力。

阻人搵食，有如殺人父母！條街唔係屬於你班咩工都未打過嘅後生仔架，係班自由行用來便溺；一架架三成載客量嘅巴士；離地中產私家車；幫手運水貨嘅貨車司機；運載不同旅行團，又為旅客貼心服務，撻定部車可以隨時行得嘅旅遊巴；行咗二十公里都未上到客嘅的士架！

阻住個社會發展，如果唔係你班後生仔阻住晒，地鐵港島南線，一早喺2012年通車啦！

如果唔係啲花崗岩頂住，啲宋代遺跡阻住，高鐵用三日時間就起好啦！

如果唔係啲中華白海豚阻住晒，機場一早起好第三條跑道啦！下！？唔夠工人要請黑工？唔緊要啦，大家都係為咗發展香港啫！

我認我曲線，但到咗今時今日仲覺得班學生、自願上街嘅人，係被煽動，純粹搞事，咁我只好奉勸你一句：大家放長雙眼睇下點啦！