佔領行動展開以來，首次有建制派議員要求特首梁振英辭職。自由黨黨魁田北俊今日接受記者訪問時表示，認為香港現時的問題並非佔領或普選，而是在管治方面，指好多問題都在梁振英之上，更覺得香港快要淪落到不能管治，建議特首梁振英考慮主動辭職。

田北俊表示：「咁我都好擔心而家咁再做落去，梁振英作為特首，佢梗係對香港有個承擔，佢梗係對香港喺未來兩、三年嘅任期之內，想多少完成佢想做嘅嘢，但係，我就覺得照而家立法會，泛民嘅不合作運動係內，喺外呢，又有市民佔中嘅問題，喺旺角又好，我哋呢度金鐘又好，啲市民連法庭嘅禁制令都一樣當佢冇到嘅呢，即係香港就嚟淪落到係不能管治嘅地方，咁我真係覺得特首梁振英先生應該要考慮吓，如果喺未來兩年佢繼續做行政長官，係乜嘢都做唔到嘅，係咪佢自己應該考慮一吓，係咪佢應該向中央政府請辭。」

不過田北俊亦都「補飛」，指梁振英過往的政策並非不好，而是市民不認同的話，梁振英繼續留任，香港將會多立面分化，國際形象亦會愈來愈差。

（港台片段截圖）