近期港鐵拒絕市民攜帶大型樂器入閘，成為了網上的熱話，但估不到連政府新聞網，都會加入抽水行列，然而，水，唔是咁抽的。

政府新聞網的 Facebook 專頁，今日（9月27日）就介紹了一個叫「社區文化大使計劃」，講述大使之一的關文亮如何透過教授非洲鼓，鼓勵青年關心身邊事物。在專頁中，管理員就留言指「呢期大提琴同古箏都好 hit 咁噃，但小編就睇好可以打破隔膜、鼓動深情嘅非洲鼓嘞。話時話，拎住非洲鼓去老人院表演，搭乜嘢車好呢？」

當然，網民不會一見到抽水 post 就會叫好，特別是港鐵本身的大股東就是香港政府。政府新聞網抽錯水，隨即被網民批評為「無質素嘅自抽」，有人就提醒網民港鐵的背景「係囉，呀港鐵大股東，拎住樂器搭咩車好呢可？」，亦有人批評指「政府新聞處嘅PR咁垃圾，管理層應該好好反思吓，點解會成日被人唾罵」。

（政府新聞網 Facebook 專頁截圖）