大家好，我係嘉樂，係一個球迷，咩足球都啱睇，但今日我想講一直都被香港人忽視的香港足球。

大家都見到幾日前，由中國足協推出一系列共四張的具挑釁性海報，以「不輕視任何對手」為題，其中有針對港隊的海報寫住：「這支球隊的人，有黑皮膚，有黃皮膚，有白皮膚，這麼有層次的球隊，得防著點！」下方列出「中國 - 中國香港」的賽期。

雖然，香港足總以「＃撐自己人」以及「你係香港人點都要撐」為回應，並列出對賽球隊則為「香港 - 中國」反擊。但是，香港人認為以實際行動更為重要。

結果昨日，香港響應足總「撐自己人」的呼籲，購票入場支持港隊，旺角場更高掛紅旗表示「爆場」，當賽前奏起《義勇軍進行曲》時，現場球迷喝倒彩，以及以手打交叉的場面，這正正表示了，香港人不滿意中共的野蠻的行為，否定中共政權。

雖然足總主席梁孔德賽後表示，不會就中國足協海報作出任何跟進。但是，香港都尚算是個言論自由高的社會，如果見到不滿意的事，便要發表出來，反水貨示威都是香港人成功的例子。

如果你只是一個球迷，對中共都不太仇恨，昨日只是想看一場精彩的足球比賽。咁購票入場支持自己地區的球隊又有咩唔啱呢？香港人，如果自己嘅代表隊都唔支持，香港隊又點樣有心機打落去呢？昨天，港隊在香港人支持下，打出一場精彩球賽，以7:0擊敗不丹。咁香港球壇又如何進步呢？所謂「自己香港自己救」，我喺寫呢篇文嘅時候，雖然我買唔到下星期二香港對馬爾代夫嘅門票，但係11月17日，香港主場迎戰中國，大家一齊去買門票，入大球場支持自己球隊吧。