10：奧斯卡頒錯奬
堂堂奧斯卡，居然出現「關家姐事件」，今年2月26日頒發最佳電影奬項時，因為工作人員將最佳女主角的信封交左畀華倫比堤，結果華倫比堤宣佈最佳電影為《La La Land》，最後要由《La La Land》監製尷尬宣布，最佳電影得主實為《Moonlight》！
事後，負責分發結果信封嘅會計師樓承認責任，發錯信封的會計師更收到死亡恐嚇。
而最有趣嘅一環，係華倫比堤宣告結果時，已經覺得有古怪，唔肯讀結果，推左畀費唐娜薇去讀！



9：羅生鮮甜
羅生喺11月4日的《宅文化研究》節目，示範最低標準嘅飲食節目做法，足足做左成個鐘頭，介紹日本美食，但全程只能夠用「鮮甜」去形容，又或者「唔識點形容」，連炸物佢都話係鮮甜。
結果「鮮甜」成為了熱血時報年度潮語，底裡含意係：「詞窮」、「On9」、「唔識食咪撚曬錢特登飛去日本食啦！」等等意思。



8：Star Wars8，好垃圾
成也8，敗也8，成就BB8，敗家Star Wars8！
小弟有幾嬲呢集《Star Wars》早於節目詳述，但能夠將一部科幻武俠史詩，拍到咁西都唔係話容易，當佢惡搞笑片嚟睇反而觀感一流。
放Star Wars8上第八位，純粹係要嚟治療我內心傷痛，提醒我自己，以後要當呢套戲係黃百鳴式嘅低級笑片咁睇！



7：性交轉運師，25萬女信眾
降頭師被控性交轉運，由於該降頭師女信眾極多，IG又有25萬follower，IG上又發現多張與一群model的歡欣合照，事件旋即惹來一眾網友熱議，性交轉運師頓時成為最受歡迎新興行業，個個都想入行！
「古惑仔俱樂部」會長街巿勇最為心動，蠢蠢欲試，幸得牛佬特登做一集節目相勸，才勉勉強強回頭是岸。



6：壹週刊賣極都賣唔出
7月17日，《壹週刊》宣佈出售予黃浩，連告別號都做埋，9月27日宣告「壹個時代的終結」，點知呢個時代一直都終結唔到，最終交易一直延期，去到年尾都仲未賣成，2018年都唔知賣唔賣到！
與此同時，死極死唔去嘅亞視又宣佈復活，而江澤民仲有出席十九大！
自此，《壹週刊》與亞視、江澤民，成三足鼎立之勢，未到最後，都難料邊個死先。



5：大班又同後生仔嗌交
笑死朕常客大班又上榜！
話說黃之鋒、羅冠聰等眾志友，一放監就畀大班同一眾D100主持喪鬧，全因眾志友10月24日放監後，居然未有第一時間接受D100訪問，寧願上商台《晴朗》做訪問，都唔肯畀D100做電話訪問！
大班大怒，指黃之峰等眾志友，本身為D100主持，本身做節目已經差，仲要放監後冇第一時間上D100，明顯係唔支持網媒發展，又唔撐自己友！
大班十年如一，時不時都搵D自己友嚟鬧下，雖然新意欠奉，但勝在堅持，我們念在大班係常客，都加D感情分，故此安排上榜。



4：流亡政棍集團：本民青
「本民前」高舉「時代革命」旗號，扯完旗，黃台仰著草，連之前plan B李東昇都失蹤，潛水多時被國師西瓜撈起的梁天琦都退黨，友好政黨「青年新政」，搞個示威就搭的士走路，立法會扮土撥鼠，口講支持張秀賢補選但又不肯現身支持！
整個派系一以貫之：講就兇狠、做就把撚、潛水著草、老撚土扮本土！
經呢班友仔過去兩年咁樣搞一搞，本土主義，而家變左「老土主義」！
或者有人會話，香港人就係鍾意呢D擅長潛水嘅，但好可惜，就算計潛水能耐，佢地都唔係領先嗰一群，因為今年十號風球，熱血時報主持人和仔哥，未畢業已經有一艘潛水艇，係「潛水界別」都領先過佢地！




3：廚神謝霆鋒
謝霆鋒轉型做廚神，《十二道鋒味》出現多個CHOK爆惹笑場面：甩香蕉、磨鐵粉、戴護目鏡炒菜，本來以為只係一時扮野，大家笑完就算！點知佢鍥而不捨，繼續又搞煮食比賽節目，又搞鋒味戰隊！近期又再表演扶乩式做甜品，又係比賽迫素食者煮肉⋯⋯
謝霆鋒終證明左，堅持有時唔係美德，就算當笑話咁睇都會感到娛樂疲勞！
有說「柒到盡頭就是型」，但謝霆鋒連呢個概念都可以顛覆埋，佢個人本身簡直就係份子料理！



2：黃碧雲被性侵犯METOO
潮流興METOO，連黃碧雲都玩埋一份，12月7日自己走去滋擾葛珮帆直播，謝偉俊上前阻止，佢馬上大嗌「性騷擾呀！性騷擾呀！」
單單「黃碧雲」這個名字，跟「性騷擾」這三字連繫在一起，這事件已足以坐亞望冠！



1：打令被控誹謗
打令惹上官非，因為一個得幾個SHARE嘅FACEBOOK STATUS，被MYRADIO入稟告誹謗。
點解這個事件會成為年度第一位笑死朕事件？因為堂堂黃毓民走去告網民？因為MYRADIO喺宣告打令係佢地競爭對手？因為一個無人SHARE嘅STATUS居然被指影響一個台嘅業績？上述全部不是理由！
真正理由是，打令多次進行危險實驗，並至居然斗膽直播煮食，還研製出不曉得能夠稱作食物的「打令神奇膠」，有不少主持都玩過食過⋯⋯
打令今年做過咁多驚世創舉，居然仍然未畀人告「誤殺」或者「非法管有危險品」，佢今年居然係被人告「誹謗」，實在不可思議⋯⋯

English Version：
http://www.passiontimes.hk/article/12-22-2017/43533

相關節目：
笑死朕第361集
2017十大笑死朕事件
http://www.passiontimes.hk/prog/5/361

笑死朕第310集
2016十大笑死朕事件
http://www.passiontimes.hk/prog/5/310

笑死朕第257集
2015十大笑死朕事件
http://www.passiontimes.hk/prog/5/257

笑死朕第205集
2014十大笑死朕事件
http://www.passiontimes.hk/prog/5/205

笑死朕第153集
2013十大笑死朕事件
http://www.passiontimes.hk/prog/5/153

笑死朕第102集
2012十大笑死朕事件
http://www.passiontimes.hk/prog/5/102

笑死朕第55集
2011十大笑死朕事件
http://www.passiontimes.hk/prog/5/55

笑死朕第13集
2010十大笑死朕事件
http://www.passiontimes.hk/prog/5/13