第十位：
竹篙灣，鐵餅飯2021年中，政府還會把感染地區居民，整區整棟送進隔離營，結果一嚟就係隔離營爆集體食物中毒。隔離營伙食成討論焦點，當中最著名的，是看來可用作武器的「粟米鐵餅飯」。

當時大家還以為隔離生活跟大家還有距離，但今日香港住過隔離酒店的人，分分鐘多過未住過嘅。

第九位：
黃店出盤菜，黃絲嚐百草黃店是非花生不斷，有黃店鬥黃，有黃店畀手足偷錢（4個營業額7萬蚊），有黃店唔還錢但去贊助Tommy演唱會。但只有一樣野，係不變嘅，販售崇高理念，但不販售合格食物。

由年頭開始嘅盤菜風波，去到年尾，關於黃店膳食嘅投訴可謂冇停過，黃絲卻繼續排隊食，由此可以證明，佢地對「只食理念」嘅堅持似乎係真嘅。

第八位：
黃絲娛樂圈
Mirror點都係黃，林二汶上TVB即藍

黃藍大戰，蔓延到娛樂圈，黃絲要打擊藍色台TVB，就強行定性ViuTV係黃嘅，所以全民造星係黃，Mirror都係黃，就算代言麥當勞，ViuTV出廣告片呼籲投票支持完善選舉制度，都係黃。

因為佢地黃，所以會紅，黃絲是這樣認為。同樣邏輯，也套用在林二汶身上，因為她是全民造星評判，所以她是黃，所以黃絲捧佢，所以佢紅。

黃絲自覺捧紅了林二汶，所以林二汶上TVB是背叛，是要被討伐！被出征！

黃絲網民跟小粉紅網民，有時都幾難分。

第七位：
綁架菲傭、報失毒品
有狼性冇理性

2021年，犯罪事件增加了，可能是因為環境艱難，多咗人挺而走險，狼性顯現。

可惜，有狼性冇理性，烏龍犯罪層出不窮：綁架BB綁埋菲傭，收藏人質地點又近民居，綁架用的車子居然是借回來的。

有一宗是跟朋友合謀扮綁架，呃阿媽錢，卻只係呃三十萬。

有人運白粉被搶，結果走去報警，叫警察幫自己搶返毒品⋯⋯

第六位：
偏見書房嘅自由定價，得佢有自由

聲稱自由定價嘅偏見書房，多次因為不滿客人出價，嫌客人出價低，不接受交易不特止，仲要上網公審客人。

偏見書房嘅老土行徑，自然惹來網民公憤，惹起公憤後，居然想賴落熱狗搞事就算數，結果惹來更多不滿！

但偏見書房的老土行為，也帶來貢獻，因為見偏見書房咁小家，所以熱血時報都測試自由定價交易的效果，結果效果奇佳，買賣雙方皆大歡喜。

第五位：
華記正能量，專搞自己友

華記可能係今年最耀眼嘅藍絲，頻頻出笑料，先是開街站，幫721元朗白衫人伸冤，要求上訴！結果街站卻引出另一個白衫老伯，自稱當日有份打人，結果畀人拉埋。

然後華記又將組群改名做反林鄭連任大聯盟，結果畀藍絲同道圍攻，先急急改返做支持劉德華做特首大聯盟。

後來一單爭車位，退休警打死人事件，本來話封咪退隱嘅華記，又撲返出嚟，公告天下畀退休警打死嘅，其實係撐警支持者⋯⋯

有時你都好難分，華記到底黃定藍。

第四位：
蕾神長文連發，網絡文藝復興

王力宏與李靚蕾離婚，李靚蕾不滿王力宏只顧自己形象，於是接連出長文，揚露王力宏爛滾出軌的渣男罪行。呢件事最神奇之處，是蕾神單靠一支筆以一敵百，踢爆過程只靠文字，幾乎完全冇圖冇相冇片，在這個影像時代，居然單靠文字，掀起足足一星期的輿論巨浪，讓一眾網民夜夜追看長文，可謂「廿一世紀網絡文藝復興」。

第三位：
明就明，唔明就家明

黃絲政治KOL家明，掘起於2019年，靠配合引導黃絲情緒，愚弄大眾呃LIKE爭名氣。去到2021年，情緒化主導的政治話題，已經日漸減少，家明為咗維持流量，於是乜都要拉入政治議題。奧運期間，羽毛球手伍家朗因為身穿沒有區旗的黑衣，家明大讚有品味，當正伍家朗手足咁盛讚，結果引來建制派關注，迫他穿上不習慣的球衣，搞到輸波！家明瀨此一鑊，仍未收手，忽然走去批評人氣藝人193，話佢係IG搲粉絲送名牌禮物。這一著終於惹怒193粉絲，家明被屌到收皮，宣佈告別。

告別左幾左月，年都未過，又扮冇事復出！死唔斷氣咁！

第二位：
迫老母賣樓分身家，打國際線做革命家

2021年係移民年，大量人受不了香港政治氣壓移民。是去是留，各有選擇，但有些堅持要打國際線的黃絲，卻覺得移民是責任，留在香港的是懦弱，《十年》的導演歐文傑，更加指「坐監係另一種逃避」！
有啲移咗民嘅政治領袖，就喺外國叫香港手足捐款養佢，佢就喺海外動員香港手足行動，叫香港手足投白票廢票，然後畀人拉。

更加有人，為咗可以移民，拆屋迫阿媽賣樓分身家，等佢可以移民去做革命家。

第一位：
陶大宇：倒轉地球

今年，唯一一單笑料，不涉政治，不涉瘟疫，不涉經濟，完全係得啖笑，仲可以跟住唱！

笑死朕第572集：2021十大笑死朕事件
http://www.passiontimes.hk/prog/5/572