第十位：
香港乜都冧，Mon又冧，船又沉
2022年，可謂香港閪冧年，經濟冧檔同時，樹冧、健康院電閘冧、港鐵電梯冧、列車甩門、車卡出軌、海鮮舫沉船、供電橋燒斷。連最紅嘅mirror開紅館演唱會，都冧Mon！
全部都係慘劇，冇一單好笑，但係接連冧檔意象出現，彷如天啓，對經濟閪冧的警告，不過香港懶理警告，繼續專心防疫。當入廟拜神都要針卡，神明唯有隔住口罩苦笑。
第九位：
世紀家事法庭：Johnny depp vs Amber heard
Johnny depp被老婆打，家事鬧上法庭，卻成了Johnny depp 與Amber heard一生中最受歡迎的一齣戲，全球追看，叫好叫座。本來食住metoo風潮，平權浪潮下Amber heard理應實食無黐牙，無奈，最後因為演技太差，庭上表現浮誇，淪為meme圖，女權撚首次世紀敗陣！
第八位：
容海恩登報脫離爺媳關係
袁氏一家，本就是政治撕裂之家，一家三口本來已經有泛民有建制，再娶多個親共嘅返嚟。光時之後，老爺袁弓夷直頭變咗港獨撚！容海恩忍無可忍，登報脫離「爺媳關係」。
爺媳？乜有咁嘅親戚關係㗎咩？
如果唔想佢做你家翁，你一係離婚，一係叫你老公，同老豆脫離關係。
你咁樣登報，結果恐怕都脫不了關係喎！
第七位：
奧斯卡星巴黑
近年奧斯卡都悶到爆，變成政治正確表態show，今年卻有亮點！主持Chris Rock拿Will Smith老婆開玩笑，本來Will Smith都覺得好笑㗎，但見老婆反白眼，唯有發火衝上台，兜巴星Chris Rock！重點係：Will Smith本來覺得好笑架！
第六位：
口罩紅星豬肉威威，戴罩爆紅除罩即沉
香港人戴口罩三年，終於戴懵咗！喺街巿搵咗個豬肉佬出嚟，捧到佢變紅星，當正呢個威威偶像咁應援，又賣巴士應援廣告又搞商場生日會。但重點係冇人知威威咩樣，因為佢全程戴口罩，但係當佢一除口罩，佢就瞬間由紅變黑。
即係話：大家崇拜嘅，其實係口罩！
第五位：
哈里梅根賣小強，賣咗一億
英女皇仙逝，全球哀悼，然而早前脫離皇室的哈里與梅根，卻趁着這個時候，推出Netflix紀錄片，數臭皇室！女皇屍骨未寒，忤逆孫就連同美國黑妹，出賣家人圖利。但所謂爆料紀錄片，居然完全冇料，只係不斷讚梅根又靚又叻，靚到皇室妒忌佢，靚到佢阿哥要夾埋傳媒攻擊佢！整個紀錄片，根本就係一個迫害妄想症患者的自白。
而呢條精神病人自白片，居然賣咗一億美金！
第四位：
飛昇兄弟：阿飛樂觀你恐懼，阿昇求雨變水災
阿飛年頭話新一波疫情，應該可以樂觀，原因不可考，因為都冇邏輯可言。重點係佢一樂觀，成個香港冧曬咁滯！忽然乜撚都禁，仲要推埋疫苗通行證，咩活動都死，咩生意都做唔到！你以為阿飛已經好黑？跟住佢細佬出場，居然喺熱血外景拍劇期間，走去跳求雨舞，落雨落到水災咁！世界盃期間，佢場場都話想睇十二碼，結果搞到場場罰留堂，巴西都輸埋波！兩兄弟，一個明燈，一個烏鴉口！
第三位：
黃絲老屈林二汶，最後信仰是財神
黃絲一直認為林二汶是他們捧出來的，所以，當林二汶上TVB，返大陸，黃絲覺得係對佢哋嘅背叛，即係自己歌曲嘅背叛，背叛咗《最後的信仰》。呢個時候，居然爆出林二汶一直在拜玄武財神！而且，早在2019年，就跟隨修道師傅，到山西安財神殿，拜財神之餘，熱烈祝賀建國七十周年！而且這些資料一直是公開的，她從未掩藏！真相大白！二汶最後的信仰，一直是財神，卻被老屈成黃絲，慘被當成黃色歌手！
林二汶根本不是叛徒，她只是個沉默的受害者！
第二位：
Hater都消費，牛妹買Prime
台式食店退出香港，頂讓舖頭，易手過程卻相當肉酸，本來明買明賣，卻把頂手買家講成大魔頭，不斷話人呃佢錢呃佢器材，但係一睇明細，卻發現只係佢自己咩都想賺曬，又要器材又要錢！我做節目評論事件，佢就話我連同頂手買家一齊呃佢！出動個牛妹出嚟賣吓慘，發下爛渣，易受矯情打動嘅香港人，通常都會buy咗佢！偏偏佢遇著唔受矯情嘅熱狗，矯情攻擊有如泥牛入海！
我哋繼續做節目評論，但係就收埋曬喺收費台，結果明明係我哋對家，都變咗我哋客戶！
為咗想知我哋鬧佢咩，唯有買Prime聽收費台。
邊個話聽眾唔係屌返嚟㗎呢？
第一位：
April節目炎上，秀慧即賣Chatroom
新主持April技驚四座，屢有佳作！關於日本AV立新法，影響AV從業員，那集節目之中，April金句迭出：「日本女仔其實可以去第二啲國家拍AV。」「有手有腳，其實可以去夜總會做妓女？」，句句都震撼網絡！當日直播期間，熱血時報chatroom大炎上，留言光速湧現，睇都睇唔切！
這時候，陳秀慧靈機一觸，居然想到要出售chatroom留言，把聽眾們數千條憤怒留言（列印出來足足六十多頁A4紙），標價出售！
結果居然賣個滿堂紅！
陳秀慧不愧出版界大師，居然連chatroom紀錄都賣得出。
事件證實了，文字果然有價！
笑死朕第623集：2022十大笑死朕事件
http://www.passiontimes.hk/prog/5/623