中一註冊日，校務處職員負責整個註冊程序，當值老師都係企係度解答家長問題，點知大怪獸喺我當值時間出現咗@@

校務處職員：戴Sir你過一過嚟丫，呢位家長有啲問題需要老師解答。
（一聽到個口吻就知射波俾我）

我：家長，唔知有咩幫到你呢？？

大怪獸：你哋個職員唔俾我個仔註冊丫！
（我望一望張紙，喂，都唔係派嚟呢度...........）

我：唔好意思丫，我哋呢度係 ＿　＿　＿　書院，唔係 ＿　＿　＿ 中學，係兩間學校嚟。我可以送你出門口，教你搭車去返相關學校註冊。

大怪獸：唔係喎，嗰間 band 3 嚟嫁喎，我個仔點會報 band 3丫？我哋小學老師都係話幫我哋報 band 1 嗰間。
（係咪傻嫁自己報咗邊間都唔知）

我：或者家長介唔介意俾我睇一睇多次派位證、入學註冊證同成績表確認多次。
（其實我至想睇係成績表，一睇啲成績，得體育同常識有70分以上..）

我：真係唔好意思丫家長，學校係跟教育局文件幫學生做註冊，根據呢堆文件，我哋學校真係唔可以幫你小朋友註冊。

10分鐘後，個家長又返咗嚟，帶住一張學校名有塗改液改過嘅文件嚟...................... （心諗：你唔試下將麗晶大賓館 Booking 張紙改做麗晶大酒店？！）

校務處職員：喂你咁做唔得。。。

我即截住（唔可以話啲怪獸嫁，想死咩心諗，想佢喺度發癲咩？）：家長，根據文件，學生派嗰個學校地址唔係呢度喎！

家長：咁即係要改埋。。。

我：家長，或者我帶你同小朋友去貴賓室傾下計好無，有三文治食維他奶飲。

－－－－－－－－－－－－－－－－－－－－－－－－－－－－－

後記：佢派咗去間弱勢學校，我即刻打去間學校。

我：「喂你學生黎叩門，快啲接走佢啦，唔係你收唔夠人丫」

對面高層：嘩派嚟我哋學校嘅人去你度叩門？即係 band 1 質素喎！得我派隊 team 嚟！thanks a lot Mr. Tai

結果嗰間學校好快派咗堆老師夾咗佢走^_^。

（作者任職Band 1中學）

（國產凌凌漆截圖）