呢個年代，年青係原罪。五六十後可任意批評，不求邏輯，妄顧事實，總之我看不過眼，你班年青人就是廢青，總之後生仔呼吸都係錯。

拜讀屈穎妍鴻文《芭蕉熱》，實在受益不少，仲嚇一跳，節錄如下：「我是那種不戴帽不打傘不塗防曬的人，所以邊行邊吹風扇的行為，我嫌麻煩，沒做過。我明白有些人實在怕熱，或者他/她的工作性質是日日站街，風扇必不可少。然而，今日芭蕉扇的過度氾濫，我又實在看不過眼。 街上碰到提着芭蕉扇的人，不少是青春少艾，有男有女。血氣方剛的年月，流一把汗，是新陳代謝，連熱一點的苦都受不了，將來如何成大事？ 青春，本應是「捱得」的代名詞，今天，卻早跟嬌生慣養畫上等號。放下你的芭蕉扇吧，流一點汗、多吃點苦，來到冷氣間，你才會懂得感恩、懂得珍惜。 」　

原來XXX過度氾濫，就會看不過眼去批評年輕人。用手機會有幅射影響世界的，也過度氾濫的，也有很多年輕人用的，你會看不過眼嗎？你自己會唔會唔用？

原來吹下風扇，就難成大事，那吹吹冷氣，會否成為廢人？

原來青春就要「捱」，唔係你心目中的「捱」，就要被批，就要說成「嬌生慣養」。「 捱完你就感恩㗎喇後生仔」，咁樣？

原來屈女士可以漠視大家所知常識：後生仔血氣旺盛，最怕熱；人到中老年怕寒耐熱。總之我話後生仔「嬌生慣養」就係啦。

原來屈氏有神通，睇得出個個年輕的，都健康精壯，沒有隱疾，不怕晒傷中暑皮膚癌，體質一定適合去捱，總之你係後生仔就可以捱，同樣邏輯，所有後生仔在地鐵一定要讓座，骨有病腳有痛嗎？我看不到，總之你後生我就可以鬧你怕辛苦。

這種「總之病」、「 呢家啲後生真係唉」思想毒害漫延，老屎忽批鬥無日無之，除了以上提過的讓座，導致現在不少年輕人在地鐵只會站不敢坐（免得被放上網捱批），還出現於求職上，要求一百八十般武藝，但人工跟廿年前的一樣九千一萬，想叫價高點？「後生仔唔好咁大想頭，捱吓拎吓經驗先啦」。

當然還不只，佔領嗎？示威嗎？「總之係你班廢青唔努力，仲學人埋怨買唔到樓，咪去示威囉！我當年夠乜乜乜啦，你地唔捱吓唔識感恩！」

「嫌交通逼呀？總之你班後生仔努力啲咪有私家車囉；嫌食物貴呀？總之你捱多兩年咪加你2%人工囉；你做咩篤手機炒iPhone不務正業？我睇唔過眼喎；你做咩離開香港去Working Holiday咁吊兒郎當？留喺度跟我捱，之後飲啖（東江）水感恩呀！做咩你開會冇意見？總之班後生仔真係冇腦！點解你開會有野講？我聽唔明喎！咩潮流、新模式？我唔識，總之我食鹽多過你食屎，總之你冇資格出聲！」

也許不久將來，後生仔篤眼篤鼻到，連在面前行過呼吸都「我又實在看不過眼」。

如此抹黑、歧視下一代的垃圾思想，在主流傳媒日日散播，他們是毀掉香港未來的幫凶，殺子的劊子手。

（圖片來源：YouTube截圖）

延伸：「總之我見唔到你就係冇」
http://www.passiontimes.hk/article/06-18-2014/16466