一句「唔理XX，總之YY」，拒絕客觀深入談究，就一鎚定音，拒絕辯明，我稱之為「總之病」，此一頑疾，以不學無術為榮的港豬患病最多，社混圈也不少，這次主角叫徐傑生（阿邪）。自入香港大學之後，他多年來積極參與學生會事務（多年到讀兩個學位），後加入了社民連，活躍於社混圈。

阿邪好一句「我期望倫爺落街擺街站的一日。」倫爺當然神回覆： 「其實我擺過街站好多次。當然，論次數點都唔會夠左翼社運人士多。不過我唔明點解佢哋經常喺冇求證的情況下亂咁指控別人係鍵盤戰士唔會站出來。係唔係真係要每次做野時上FB打卡再抄個會議紀錄CC畀你先叫做有做野呢？睇唔起人都要有個限度架。」

人地識如來神掌，呀唔係，做過實事，收集過簽名唔通又要話你知？好喇，人地唔唱K唔同你爭做歌王，唔朗讀新詩唔做偽文青，你就當人只是鍵盤戰士喇？我說的社混圈，專指這班左翼社運人士。本來，他們有經驗，又肯衝，真的值得欽敬。但那種目空一切，唯我獨尊的態度，真係嘆為觀止。之後徐傑生就咁答： 「嗱，倫爺，今次我真心無惡意的， 我只係想你擔一次本土旗蒲一次頭塞住我把口咁大把者。 講真，插人定位，咪自己定過囉。」呢鑊真係要說文解字： 第一句，「今次我真心無惡意的」，咁之前有冇過惡意呢？有幾時真心，幾時假意呀？第二句，人哋有呀，咁你語塞未？ 第三句，傲某IQ低，理解不能，就睇吓人地點覆，「我智商低，唔明」，陰公，有冇人幫我語理分析一下？

香港社混圈就愛這種思維：「總之我見唔到你就係冇」 。
你唔打卡，我見唔到你就係冇。
你唔影相爭光環，我見唔到你就係冇。
我 Facebook 圍內取暖，我見唔到你篇文就係冇。

人哋做鍵盤戰士，呢班社混人就話你唔行動。
人哋出樣高調參與，就畀呢班社混人話騎劫。
人哋出樣另起爐灶，就係呢班社混人話分散力量。
人哋帶面具算喇，呢班社混人話就係無間道。

我不會叫呢班社混人作「豬一般的隊友」，稱不上隊友，因為他們不配。