針對2017年特首選舉而出現的失敗政改，當時泛民最常提及要爭取「我要真普選」及「公民提名」，惟人大八三一決定落閘，最終引發雨傘革命。事隔3年有多，政制道路如何去走，應否重啟政改，仿佛得不到太多市民的關注，畢竟大家都不希望有相同的結果。

民主黨主席胡志偉在接受《無綫新聞》訪問時，就指林鄭政府不能單靠民生政策去減少民怨，重申重啟政改才是出路。

胡志偉表示：「我相信喺最初嘅時間，個八三一框架係針對緊「公民提名」嗰個概念，咁如果我哋剔除咗「公民提名」呢個概念，而係將呢個問題，放咗落去無不合理篩選呢個總嘅原則嘅話，個空間就大咗好多。」

胡志偉又要求林鄭，將政改訴求寫成民情報告呈交北京。

（無綫新聞截圖）