當《東方》呢啲親共報紙都可以出頭版出得比你更貼近民情、用字更加客觀直接，《蘋果》都已經唔使旨意再有啲咩存在價值。

尋日頭版我當你改唔切，之後補飛再印返（雖然句嘢都係樣衰，被擄走？被邊個擄走先？大陸人咪大陸人囉你怕乜嘢講？欲蓋彌彰），今日頭條就真係完全爭唔落。

老豆黑底、老母三奶，關個細路被人擄走咩事？真係你訖起條尾我都知你想點set agenda，你係想導引坊間想法、轉移視線，因為父母背景複雜-->擄嬰為私人恩怨而非randomly happen-->與大陸拐帶犯罪集團無關，不必反省自由行放任---------->女嬰大可能沒事 / 就算有事都係父母抵死……老實講，我咁大個仔未見過有報紙可以維穩維得咁陰損同毫無底線。件事發生咗，個細路仲未搵返所以大家要盡全力搵落去，你《蘋果》咁報法係咪想叫人放軟手腳，反正父母咎由自取，由得個B過羅湖橋自生自滅？你老母咩，家事又好犯事又好，擄走個細路就係唔啱！你係駁唔到架嘛！你班編輯俾呢個頭版出街對唔對得住自己良心？

見黃世澤鬧《熱血時報》做大《蘋果》換頭版單嘢，係「維穩」喎。呵，依家咪柒晒囉，阿世澤，你前東主啱啱自證維穩程度超過晒所有媒體，冠絕全港。莫講話《熱血》做之前已經有千萬網民市民插你《蘋果》頭版報金馬，今日之後我估冇香港人唔會屌鳩你《蘋果》為保護自由行泯滅良知。黃世澤你一係貫徹始終鬧所有市民反《蘋果》就係「維穩」，反正呢啲穩唔怕維，最好鬧你同《蘋果》鬧到好似TVB跌收視咁搞到跌紙囉。你《蘋果》係自滅，唔抵可憐，明明畀TVB封殺成為民主英雄，兩日未夠就淪為比TVB更下流嘅過街老鼠，何必？何苦？


（網絡截圖）