特首梁振英今日（10月27日）在出席行政會議前，借汲水門大橋事故硬推機場三跑，他表示：「大家知道三條跑道點都係好過兩條跑道嘅，兩條跑道有問題嘅話，我哋仲有第三條跑道。」此話一出，很多人都不表認同，表示「我唔知喎」，並引來連番抽水活動。

一向擅長於時事議題上抽水的歌手鄭中基，就在其個人 Facebook 表示：「三條頭髮點都好過兩條，睇落密好多。如果有兩條甩咗，都仲有條士啤。（好似係）」，獲網民熱烈追捧。

此外，亦有網民製作「N+1樣嘜嘜點都好過N樣乜乜」造句機，以「三條跑道點都好過兩條跑道」作藍本，製作抽水句子，本報試玩之後，就Chok到「三個老婆點都正過兩隻龍蝦」、「三個夏蕙BB點都爽過兩個淨心」。大家玩咗未先？

（FunSlots繽紛樂網頁截圖）