《熱血少年》創辦，其中一個要旨，就是要給新晉漫畫家，一個發表作品的平台，也就是說，「捧新人」是我們的其中一個使命。
於是我問牛師父：「你地公司，有冇助理會想寫稿，不如畀機會佢地試下。」牛師諗咗一諗答我：「好似冇喎，不過我姑且問吓啦。」
某個深夜，牛師父忽然PM我，叫我睇睇幾份稿，然後佢問我：「達兄，你睇日本書多，你睇睇呢個人d畫……係咪照抄定係點?因為呢個人，居然係我公司助理！！！」
牛師父足足用咗三個感嘆號，證明佢係幾咁震驚！因為呢套稿，筆觸相當成熟，完成度甚高，因為係日系漫風，搞到牛師父一瞬間唔相信出自呢位助理手筆。
我馬上明查暗訪，用google的搜圖功能，發現這些畫作，曾經出現在日本的同人網站，難道真的是抄襲？我繼續搜查，終於找到曾經貼出這些畫作的Facebook Account，我發現，這位仁兄，居然在我的friends list之上，而且，他居然早前已曾經PM過我，說要投稿《熱血少年》，只是我一時看漏了眼。
難道這人真的是牛師父的助理？這可真是緣份！明明錯過了的投稿，居然又迂迴的接收到了？
結果，後來證實了，這套稿件，確實出自這位助理手筆，而這位助理：惠昌，已經幫咗牛師父足足十幾年，而全公司上下，居然無人知道惠昌會寫稿！也無人知道，惠昌經常在日本的同人網站上發表畫作，而且薄有名聲。
牛師父公司居然有這麼一號人物，做了十幾廿年，而牛師父居然完全不察覺，我馬上問牛師父：「點解會咁架？」
牛師父回答：「唔係哩，真係唔關我事，惠昌份人好怪架，靜到離奇。佢喺度做左十幾年野，都未同我傾過偈架。」
奇人也！
如此人物，焉能放過！得知惠昌這號人物存在之時，時為零晨四點，知道惠昌正在公司趕稿，我馬上飛的撲過去，捉佢傾傾連載事宜。
然而，當晚也沒能談出什麼結果……
直至，《熱血少年》第一期出版後，我們居然收到「電影、報刊及品物管理辦事署」電話！話第一期《熱血少年》P.64，嗰幾則政治笑話，係政治評論，咁就要同報刊一樣，要做報刊登記！
我火都唻埋！反正都係，我就同你政治到底！我馬上寫劇本，寫左呢套《香港獨立戰爭》出唻！用惠昌嘅萌系畫風，開打一場蝗蟲對抗戰！夠政治未？
時間所限，第一回連載，只能做到七頁，如果讀者支持，會繼續增加頁數。我有預感，這套作品，將會成為《熱血少年》主打作品！
第一，惠昌與《熱血少年》有緣，兜兜轉轉他的稿還是交到我們手上；第二，呢套稿有火，是一套打壓下誕生的作品！
請讀者們多多支持，支持《熱血少年》無懼打壓繼續發聲，也支持一個在漫畫行默默耕耘了十幾廿年的傳奇助理，讓他可以擁有更廣闊的發表空間。
《 PassionTeens 熱血少年》第二期
8月2日(星期五)出版！反共標記，登錄各大報攤！