6歲美心妹妹寫真呢件事，有人認為「日本都係咁la！」、「香港人好保守」，其實是說服不到公眾接受的。事實上，日本嘅兒童寫真一樣係動作色情意淫。

我接受有啲朋友有唔同性好，你咪返去你嘅二次元世界囉！搞唔到現實中嘅小朋友，冇人管倒你嘅嗜好。正如我身為一個腐女，會睇眼鏡攻強制玩弄小受，但如果呢件事係發生喺現實世界，我支持送眼鏡攻去坐監。

事件中小主角楊鎧凝Celine只有6歲，佢基本上佢係唔知乜叫意淫，未識分乜嘢 pose 會滿足咸濕佬，佢以為自己只係好似平時咁玩，有班叔叔覺得我好得意，我返到學校可以跟同學講我出咗本相集，但難保將來佢懂性，睇返呢幾張張腿翹 pat 相佢唔會難堪。

小朋友嘅世界好殘酷，佢哋之間嘅交流有時候係冇性的。好多難聽嘅說話、一啲頑皮嘅同學欺凌，分分鐘都會影響Celine一生。呢個時候，家長就是「保護」的角色，但Celine媽根本唔覺得有問題，佢對記者嘅回應比我感覺係，佢似乎覺得件事好輕微，係市民大驚小怪。

有啲護航者甚至話：「細個父母都會替我哋拍出浴照啦！你細個咪著得仲少？」但問題係我哋啲相唔會拎去派街坊呀嘛！假如今日佢夠18歲，佢自己決定要拍，絕對冇人會話佢有問題。因為佢係成年人，佢可以負起被J嘅責任。但一個6歲小朋友，喺佢冇能力判斷，好大可能佢嘅成長會就咁比呢個攝影師同埋佢阿媽摧毀咗！

呢本寫真，我敢講會成為孌童者恩物，下一版先抽起嗰幾幅相都已經太遲！攝影師、出版社，楊鎧凝家長都應該被拘捕！