今日（6月8日）的城市論壇，支聯會主席李卓人被另一位講者曾焯文問到：「支聯會、民主黨次次都係支持新移民、雙非人、自由行，支持呢啲人嚟香港，仲有普教中，你哋嘅立場都唔係向本土嗰邊，仲有最近你哋支聯會去到聯合國迫香港政府立法禁止歧視新移民，又話要俾佢哋嚟攞晒香港人福利。咁樣，你哋點樣抗爭到底，你哋點樣幫香港人爭取普選啊？」

李卓人回應指支聯會不會人民針對人民，就像自由行也是中共政權的受害者，本土派人士針對他們是不對的，應該只針對中國政府，他說︰「你將啲嘢唔好撈埋一齊嚟講，我話要戰爭到底，係要求中國共產黨平反六四結束一黨專政，戰鬥到底，我唔係向人民戰爭嘅！你哋點解將兩樣嘢撈埋，我哋針對政權，你哋就將針對人民就戰鬥咗嘞。我哋唔係講中國人民之間同人民之間嘅矛盾......但係而家你哋所做，你哋係去拖篋，你哋針對呢個政權謊言嘅受害者，點解佢哋要嚟香港買嘢啊？因為成個中國全部都係假嘢，我哋咪針對政權囉，大家有乜問題呢？」

（城市論壇直播截圖）