上回提到我家大小姐 Bridget 有關節老化問題，當日看完獸醫就已經找了 Samantha 和她溝通，對答內容如下:
Samantha：Bridget係咪你響地下度便便？Bridget：（感覺）尷尬、無語，唔想回應。Samantha：係咪因為肚仔唔舒服，所以入唔到貓沙盤便便？Bridget：（影像）Bridget進入沙盤，入左前腳，後腳提唔起跳入去。Samantha：媽咪話佢理解你，叫你唔洗擔心腳仔。Bridget：（說話）我冇擔心。Samantha：媽咪發現唔係每次便便都在地上，媽媽亦看到 Bridget 都可以在沙盤裡面便便的，可以照番在沙盤內便便嗎？Bridget：（說話）我盡量，有時冇力。Samantha：咁換個矮尐沙盤得唔得？Bridget：（說話）我都唔知得唔得，未試過。Samantha：媽媽唔敢同你玩太多毛毛棒，因為怕影響你尐關節，怕你腳仔痛痛，你明白嗎？Bridget：（說話）明白嘅，我有時都冇力玩。Samantha：媽媽又知你腸胃麻麻，所以每次不可能吃太多貓糧，希望你明白媽媽用意。Bridget：（說話）呢個就難接受尐，我真係想食吖嘛。Samantha：媽媽擔心你尐腸胃喎。Bridget：（說話）算啦，最近我都冇心機食咁多。Samantha：媽媽話遲幾日將櫃上的貓樹移落地，等 Bridget 可以係貓樹挨下，媽媽都好愛你們，亦知道 Bridget 真係好乖。Bridget：（說話）都好，唔洗我跳上跳落，我都唔係好想跳。Samantha：媽媽不敢給 Bridget 吃太多，除咗因為你腸胃麻麻，又怕你太重會影響關節，你有冇唔開心？Bridget：（說話）冇呀，我冇唔開心。Samantha：咁頭先你話你冇心機食嘢，點解嘅？Bridget：（說話）我都唔知，可能對腳冇力，沙盤都入唔到，好似好冇用咁，跳又跳唔到，我都唔知點解自己會咁樣。Samantha：Bridget 對腳冇力係因為關節有尐退化，不過媽媽好錫你，媽媽會帶你去睇醫生，會做針灸，希望幫助Bridget，你要加油，唔好灰心，知道嗎？Bridget：（說話）針灸係咩嚟架？Samantha：針炙係幫助你腳仔，去你經常去間診所度針，媽媽會陪你，你唔洗驚，知道嗎？Bridget：（說話）我唔驚，我知道媽媽好錫我，只要佢陪我，我乜都唔驚。
看完後真的忍不住想哭出來，大家姐真的很懂事乖巧。藉著這次的溝通也讓我了解多一點 Bridget 對自己的病的感覺，而我於家居方面也作了一點調整。
1）在貓廁所的入口增高一點
我家本身有兩個貓廁所，我於其中一個貓廁所的入口處放置了一個很矮的硬身紙盒，讓牠的後腳較容易進入，因為之前牠向傳心師提過，因為後腳入不到貓沙盤而只可無奈在貓沙盤外便便。另外，因為只是試驗性質，為進一步方便牠去廁所，我更在貓沙盤添置了一個很矮的貓沙盤（在雜貨店有售），以防牠最後仍入不到貓沙盤。
2）將其中一個貓樹移到地面
獸醫曾叮囑過，盡量不要讓牠做太多跳躍動作，以防牠受傷。但我怎可能長期把牠關在籠內不讓牠跳呢！貓最喜歡就是跳和上貓樹hea……我家有兩棟貓樹，有一棟已經是由地下去到天花板，這一棟就不能再有任何舉動了。另一棟貓樹約四尺左右高，本來是放置於櫃頂，現在會搬到地面，讓 Bridget 可以在貓樹底流連一下，也可以讓牠抓抓貓柱磨爪。
3）慎選關節炎補充品
市面上沒有貓吃的關節獸醫糧，所以貓貓只可吃關節補充品。寵物用的關節補充品種類並不多，所以有些主人會選吃人吃的關節補充品。不過無論你是吃那一種，都要照著適合的份量（根據貓貓體重）食用。如果早期（頭4至6個星期）明顯看到成效，接著的日子理應可減少補充品份量，這方面最好先和獸醫商討。
4）勿讓貓隻過肥
和人類一樣，有關節問題的貓隻要嚴格控制體重。因為貓貓一重，就會增長膝關節的負荷，進而影響活動能力。所以，此類貓隻可能要轉吃減肥糧或一些蛋白質不太高的貓糧，小食的脂肪含量較高，最好也可免則免。
5）遊玩時間適可而止
有些貓對玩具可能有很大反應，甚至會令貓凌空跳躍的話，就需要可免則免了。因為貓貓很容易因為跳躍動作而受傷。所以，遊玩時間絕對要適可而止。不是所有貓咪都適合玩毛毛棒，心臟病貓貓也不適宜。
下期會公開 Bridget 做針灸的經過，如果對這個題目有興趣的話，就不要錯過啦！
圖1：我叫雨雨，女，約1.5個月，全身靚靚虎紋，WHATSAPP Manda Ho53183722
圖2: 我叫小花，約1歲，好乖好嗲架，WHATSAPP Manda Ho53183722
圖3: 我叫群主，歲半，俾摸但唔太俾抱，要有尐耐性。WHATSAPP Manda Ho53183722
圖4: 我叫黃小虎，歲半，希望大家唔好介意我眼仔咁樣，我好乖的。WHATSAPP Manda Ho53183722