《熱血時報》節目主持人鄭松泰博士，今晚（6月2日）接受《D100》節目《風波裏的自由 Phone》訪問，與主持人鄭家富、吳志森，以及另一嘉賓、支聯會主席李卓人討論六四晚會問題。鄭松泰再一次呼籲香港市民，在今年六四要放棄支聯會，改到尖沙咀文化中心進行集會。

鄭松泰認為，要求極權政府去平反六四，就等於給機會中共去逃避人民審判的責任，與其要求平反六四，倒不如直接要中共倒台。

讓市民思考六四與本土關係

由於今年香港要面對政改，加上各方面的本土利益面臨剝削，鄭松泰認為，以往由支聯會舉辦的維園六四晚會，將香港的民主發展道路及力量，導引向一個錯誤的方向。過往的政改方案及關鍵議題，都是被一班偽民主派出賣，所以要趁今年六四，讓市民再去重新思考六四與香港本土民主發展的關係。

李卓人就作出反擊，指支聯會的口號是「平反八九民運、追究屠城責任、結束一黨專政、建設民主中國」，所以並不是停留於「平反」。對於被指責乞求極權平反六四，就等於承認中共的合法性，李卓人亦作出否認：「其實你要個政權釋放一啲人，你要個政權本身去平反，其實都係同一樣嘢，都係要佢認錯，要佢將錯嘅嘢做返啱。不過唔代表我哋會停留喺嗰度，我哋仲要求結束一黨專政，建議民主中國。」

維園站台泛民多次賣港

鄭松泰再三解釋，不去維園，舉行一個立根本土、屬於香港人的六四晚會的理由：「支聯會過往嗌嘅口號，最大問題就係平反六四嘅睇法，因為喺我哋眼中，根本中共大陸政權就冇合法性，因此呢類口號本身就係一個空談。再者，喺呢廿幾年來，從政治現實狀態去睇，無論係支聯會核心成員，又或者係民主黨及其他泛民政黨，口講就話要結束一黨專政，但其實就愈嗌愈細聲。不過同時間呢班泛民，包括蔡耀昌、劉慧卿、何俊仁，幾次香港民主關鍵時刻，都係出賣香港人，包括與中聯辦密室談判，以及替新移民爭取綜援。」

不過李卓人就認為鄭松泰將所有事「撈埋嚟講」，認為支援新移民是沒有問題，並指於維園晚會站台的人，都會有不同的角色，如果單純一個人有問題，就將責任推向支聯會是不公道。

支聯會、教協、民主黨三為一體

鄭松泰則認為，在十多年前，幾個組織可以分開來講，但經過一段時間之後，形勢已經有所轉變：「香港人已經睇通睇透，支聯會、教協、民主黨，其實對好多香港人嚟講，就已經係三為一體。你唔能夠講喺六四就係支聯會嘅身份，聽日入到立法會就係另一個身份，而家喺維園台上面嘅人，的而且確係處理香港政改方案嘅人。呢班人都係一邊借緊六四嘅口號，但同一時間入議會做另一番嘢。」

指責支聯會搶佔六四光環

李卓人就認為鄭松泰的講法，與「愛港之聲」的高達斌差不多，是指責支聯會去撈政治本錢，不過鄭松泰就覺得撈政治本錢是沒有問題：「如果你係真心為民主，真心為香港人權益著想嘅人，你去撈政治本錢，你做到，同埋帶領住正確方案，本身唔係問題。現實政治，必須要面對利益嘅關顧，但支聯會最大問題係，你係利用六四嘅光環，滋潤緊一班偽民主派。」

對於有聽眾張先生致電認為團結就是力量，鄭松泰認為，維園燭光不可以散的講法，是共產黨最樂見的：「依家唔係講維園呢一片燭光要幾燦爛，但實際上，喺過程裡面，能夠直接攞到民意授權，就係呢一班泛民代理人，唔會站喺香港人基本利益嘅立場，所以喺呢個關鍵時刻，我哋信守嘅就係香港人優先。唔講本土利益去談六四同民主中國，就係幻想空中嘅樓閣。」