熱血時報 | JRA加足球小將合作遊戲搞邊科? 原來宣傳日本打吡大賽

JRA加足球小將合作遊戲搞邊科? 原來宣傳日本打吡大賽



JRA加足球小將合作遊戲搞邊科? 原來宣傳日本打吡大賽



日本中央競馬會(JRA)成日都會推出古靈精怪嘅網頁遊戲宣傳賽馬,今次受害...係有幸合作嘅作品就係大名鼎鼎嘅足球小將。

JRA今日(5月16日)公布與足球小將合作,推出網頁遊戲「キャプテン翼ダービー」 (足球小將打吡),用嚟宣傳5月27日舉行,又稱日本打吡嘅東京優駿國際一級賽。個遊戲竟然有故事背景,話說主角大空翼(即係戴志偉你哋明啦)同埋一眾球員莫名其妙轉行做騎師,為賺取金球而進行名為「必殺射球打吡」嘅夢幻對決。而玩家就只係負責用遊戲內嘅金球買馬。

遊戲進行期間,除咗會有正經嘅賽馬投注方法介紹之外,當然唔少得欣賞球員...隻馬使出各種必殺技出奇制勝。睇住班牛高馬大嘅球員控制隻馬又射波又衝龍門,旁述仲要一本正經講波兼講馬兼忍住唔笑,筆者用文字轉述都講到一口泡呀!所以都係大家自己玩啦。





戴頭盔都講返句,「沉迷賭博,倒錢落海」啦。

JRA x 足球小將合作網頁遊戲網址:
https://umabi.jp/captain_tsubasa_derby/

(圖片來源:「キャプテン翼ダービー」網頁截圖)

作者
讀者回應
相關文章