前公務員事務局局長王永平今午（11月29日）出席一個公開活動時，發表了一個驚人言論，除了不排除佔領行動會令香港未來兩年出現暴動外，更覺得暴動或者會令北京政府容許香港有更多自主。

王永平雖然指雨傘革命出現會令到香港未來兩年「好慘，冇運行」，但就認為香港會置之死地而後生：「我唔排除會有暴動，咁但係之後點呢，之後我就覺得長遠嚟講一定好，點解咁講呢，因為有句說話叫做置之死地而後生。將來經過好大嘅衝擊，甚至社會上一個好大嘅不穩定之後，可能最終中央政府，喺當佢比較上穩定落嚟嘅時候，可能容許香港多番少少自主。」

此外，王永平認為民調顯示有八至九成年青人反對政府是一個嚴重問題，對立程度是前所未見，又指政府不斷使用武力去解決政治問題是不恰當，應該要放下身段，與學生真情對話，又指港人不可以依賴政府的民情報告，民間應要自行撰寫自己的版本。