尋日我食飯睇新聞聽到浸大陳新滋校長大發謬論，真係笑到噴。

首先陳新滋校長佢，仲係唔知學生喺畢業典禮開遮既目的係乜。第二，佢亦跌入咗啲中老年人，最自以為是既「破窗理論」，以為唔好好控制場面就會愈來愈差；但實情係佢地愈打壓，反抗力就愈大。

大家諗下，喺香港呢啲場合開遮，已經係好斯文、好文靜嘅表達訴求方法。又一城、浸會大學、仲有港交所，都唔比人開遮；根本開遮抗議嘅對象都唔係佢哋，我諗咗好耐，終於諗明咗個共通點，就係「尷尬」。

而呢個「尷尬」，係因為不同場合反對開遮嘅人，內心係好虛弱，佢哋害怕一個自己頭上嘅政權出醜。然而，呢個政權根本一來唔知醜、二來佢哋都唔係現場，咁又點會尷尬呢？如果佢哋唔反對人開遮，新聞都唔會報，鬼知你無名氏開遮嗰分幾鐘做乜咩？反對嘅人要千方百計，就係要喺未出現所謂尷尬前，將行動消滅。

雨傘革命真係好好嘅一面照妖鏡，將香港呢啲奴才奴隸獸一一照晒出嚟。佢哋反對人開遮嘅原因，例如「室內唔應該開遮」，「開得遮遲下就舉旗」，「唔尊重場合、唔應該做埋啲咁嘅野」，都係啲於理不通嘅理由。

我終於明白，開遮表達抗爭，唔係要令所謂嘅北大人知道我哋嘅訴求；而係要將我哋身邊好多唯唯諾諾嘅愛國奴才，用一面凹面鏡，set 好太陽光，再曬死佢哋。讀過 Physics 就會知道，角度正確嘅話，用凹面鏡就可以將陽光聚焦，燒出火球。

而家班奴才已經埋好位，自己走入去凹面鏡嘅 focal point 度；雨傘革命所帶來嘅自由、公義就係猛烈嘅陽光，足以將呢班「唔見得光」嘅港共奴才曬熟。去吧，年青人，運用你手上嘅雨遮。一開遮，睇見班愛国 人士牙斬斬嘅樣，你唔需要高喊口號，亦都會聽到班奴才被燒熟嘅聲音。

（無綫新聞截圖）