上星期垃圾會大會否決行使尚方寶劍－《權力（及特權）法》怒斬689，港視死得不明不白，至今沉冤待雪。當天兩個動議，包括莫乃光的「原動議」及公民袋郭榮鏗「修正案」，簡單講句，係李連杰同李連英的分別，一個「扑得死人」，一個連棍都冇，死剩把口。

會上，黃毓民事先聲明，擺明對被閹的修正案不賣賬，表決時會反對之，到最後他投棄權票。墳場新聞、毒果日報與大波腦燒聞訊後歡喜若狂，老屈毓民暗地撐689，連僅有搞政府的機會也浪費之。左膠盲毛跟隨隊形輪流批鬥，連去遊行當搞革命的低智宅男也出文抽水（此洪文字數多多，廢話更多，刊登後被稱為「中立」，「出色」，回到字數＝質素之老八股思維）。

成兜友，都戇撚鳩。

請問通過修正案的用意何在？細心留意字眼的話，政府有大條道理拒絕公開關鍵文件，垃圾會查完等於冇查。現在是抗爭，是重擊689，假若明知徒勞無功，拖你幾個月後一事無成，不了了之，不就是變相維穩嗎？

有人說政治是「妥協的藝術」，但絕對唔係餓狗搶屎，唔係話食唔到正餐餸頭，就連冷飯菜汁都照吃可也。冇嘢呀嘛？咪掛住玩loser game啦，飯民做事但求失敗，只求掌聲，所聲討為交功課，交完功課呃你投票，就係de-facto保皇黨！拆開「民主」花紙，實質同同一班尸位素餐功能組別有何分別？兩堆廢柴暗地交合，強力議題最後變零和遊戲，尊貴議員們，多X謝喎。

下一步，文棍政客咬住不放，不是心腸惡毒，就是全心誤導，何解？因為自垃圾會選舉後，主流民主派在一個又一個本土議題被邊緣化（或自我膠化），核心「普世價值」離地三萬尺後爆破，佔中有限公司遲遲搞不成IPO，籌錢笠水又被撞破，政治能量急劇下降，為加強「飯民+左膠=宇宙正義聯盟」之合理性，唯有借機會搞大佢，插毓民兩刀吸收能量。

衰又衰在香港民眾有鋪盲毛性格，拎住份報紙當自己係民主鬥士，上街兜三個圈當自己係革命義士。查實呢挺文字遊戲玩咗好幾次，包括上次「香港人優先」議案，甚至早前「和平佔中」，全部虛張聲勢，講完等於冇講，點解民眾仲被誤導之？因為大家閱讀時事不求甚解但求自high，睇圖睇題當睇咗件事，睇唔出語言陷阱，實在「理所當然」。