12名於10月14日於龍和道遭受暴力對待的被捕者，今晚（11月2日）八時在添馬公園舉行記者會，除了向公眾展示傷勢圖片，受害人之一唐先生亦向公眾講述如何被粗暴拘捕，無理虐打及被拒提供醫療協助。

粗暴拘捕

唐先生講述自己當時身在前方，只是想協助跌倒市民起身，但助人其間被警拉走拘捕。

「當時轉身扶起人嘅時候，就被警拉咗入去防線後面……我回過神之後先至發現自己已經喺警察防線後面。」並有兩名警員在他身旁屈他手臂。

「我聽到話要除咗我個頭盔先，當時個頭盔已經扣實咗，但係佢就不停咁夾硬去扯、扯、扯，除唔到都繼續扯，我話『抖唔到氣，抖唔到氣』無人理。」

當警員扯頭盔時，唐先生被拖行十至二十米，令他雙膝受損，其間有警員在旁踢他，然後被帶到「眾所周知嘅暗角位」。

無理虐打

「我印象中至少有五個（警察）不斷對我拳打腳踢，有一啲語句叫我『冷靜啲啦』，『唔行吖嗱』，『喺度做咩嘢呀，支持學生吖嗱』。」

「打咗四至五分鐘之後，我就由暗角拖行至另一邊鐵絲網，鐵絲網度見到同時被捕嘅人，大家（被捕者）塊面都有損。」

「去到鐵絲網時，我feel（感覺）到自己唔係好行得到，因為拖得太耐，同時有警棍打過我上五吋下五吋（脛骨）同膝頭蓋，其實到今時今日我都繼續腫緊，痛緊，都未好得返晒。」雖然如此，唐先生被帶上旅遊巴時，竟有警員叫他「唔好扮跛」。

被拒提供醫療協助

當唐先生被扣上索帶帶上旅遊巴後，他感覺到自己肩膀有脫臼跡象，而自己的腳甚至滴著血，但他要求醫療協助時，竟被無理拒絕及拖延。

「我向身旁嘅警察講我想要求medical support（醫療協助），警察嘅回應就係『依家啲交通俾你攪到亂晒，點樣叫白車呀！』」但諷刺的是警察回應時，唐先生正好見到有救護車在前面經過，唐先生立即回應「嗰架係咪白車呀」，但警察沒有理會。

唐先生在三時三十分已開始呼求醫療協助，但結果拖延數小時仍不獲受理。

等到凌晨四點，唐先生因為「真係痛得好犀利，稍為郁一郁已經feel（感覺）到痛」，所以再要求醫療協助，警察以「你依家返到嚟差館都睇到醫生啦，駛唔駛依家要呀」再回絕其要求。

唐先生因為非常不適，於凌晨四點半再次要求醫療協助，警察才口頭答應到警署後會安排並解開索帶，但要等到七點半才送他到律敦治醫院治理。

後來唐先生被帶回警署後，亦見到不少安排不善的地方，包括警員寫拘捕時毫無準備，甚至因不懂填寫要向同事求助。唐先生亦見到被捕示威者向警員查詢，甚至要求飲水、去廁所時，曾被警員大聲呼喝，被罵「唔合作少少就有排搞」。