（第一回重溫：http://www.passiontimes.hk/article/07-30-2014/18136）

（第二回重溫：http://www.passiontimes.hk/article/07-31-2014/18151）

（第三回重溫：http://www.passiontimes.hk/article/07-31-2014/18304）

（第四回重溫：http://www.passiontimes.hk/article/08-24-2014/18485）

上回提到，我嘅第一號敵對人物「甜筒」，喺我第一個月返工已經對我作出攻擊，而喺我又冇得罪佢嘅情況下，我真係百思不得其解點解呢支咁嘅「甜筒」要無故襲擊我，終於我都係去校務處收收風，唔收風都唔知埞，一收到風就知我「金翅中伏鳥」。

英文之禍

唔講唔知，原來英中教師須在該校轉為英中的頭兩年內，考取能以英文教學的資格，如果適應期未能成功考取以英文任教術科的資格，就算係長工都只能轉至任教用中文作教學的術科（咪淨得通識科同中史科）。而教體育嘅甜筒要改用英文教體育就梗係唔掂啦，咁甜筒即係要同人競爭啦，而同佢競爭嗰個咪就係我啦。頂佢，俾我發現到甜筒原來考唔過英文試，所以要搞掂我嚟保住自己個位，而係我發現俾人搞之前，我老闆（華哥）都發現到。

華哥：「你今日係咪俾甜筒睇堂呀？」我：「係呀，甜筒睇我堂。」 華哥：「條友喺互評表寫到你好似唔識字咁喎。」我：「咁仆街嘅事佢都做得出？」華哥：「要保住自己份工有乜做唔出呀，你自已睇爬啦。」我：「收到。」報復大計立即開始！

我立即去相關同事要求去睇甜筒嘅初中數學堂，明顯我就有備而來，我問數學科主任借咗本初中數書， 又拎埋教案，睇清睇楚佢教乜，先去 challenge 佢。甜筒一收到通知即刻嚟搵我，問我做乜咁有興趣睇佢堂，我只拋下一句，「鐘意睇咪睇囉」。點知我都未玩佢，佢就已經玩死咗自己先，搞乜鬼呀！

（待續）