（第一回重溫：http://www.passiontimes.hk/article/07-30-2014/18136）

2010年暑假，教育局撥款26萬至各中學協助各校開展新高中通識課程，小弟亦在該時加入學校成為通識科0.5GM。剛走出紅磚嘅小弟當然希望學以至用，寄出百多封求職信後，終於喺中秋節前收到電話。書記：「我係XXX記念中學打嚟，想約你中秋節早上面試。」我就梗係開心啦，搵工有著落，阿媽唔洗嘈。當日早上，當然係遲咗出門口（遲到是常識吧），去到校門遲到五分鐘。

如何入行

今時今日最容易入行就係先喺各教育學院完成教育學學士學位 [1]，或者完成一個學士學位後再到各院校修讀學位教師教育文憑，此二法均可成為檢定教員。我認識一啲朋友，大學畢業後修讀教育碩士課程，此法亦可成為教師，不過最後也需要修讀學位教師教育文憑才可成為檢定教員。今日有很多教育系畢業生對在教育界工作充滿憧憬，但係喺今時今日搵個教席並不是你想就搵到，係僧多粥少嘅情況下，只有機會成為副教師或教育助理（即係做妹仔）。好似我有一個同事做了通識科教育助理三年，到今年都未能得到正式教席，下年仲俾校長老屈做埋做生涯規劃助理，即係做咗妹仔之餘仲要係冇得升嘅。

總結：生涯規劃嚿錢去咗邊

689私政報告報告話每間學校可得到一名GM21點嘅教師撥款作生涯規劃課程之用，但你只要上教協網站及日月報 JUMP 睇下就知根本就冇增加到四百個新教席，大部分學校只係留呢一份錢保住現職同事，明顯就唔係增加新教師就業機會，只係減低教師失業率，今年中一入學新生，大多是2001/02年出生，亦即係近十年中學最低的入學率。如果閣下係教育學院的本屆畢業生，恭喜你，你正正喺教育界寒冬中。在此只講一句，教育界就無謂入啦。

^{[1] 本文所指的教育學院泛指香港大學教育學院、香港中文大學教育學院、香港浸會大學教育學系、香港浸會大學持續進修學院幼兒教育學系、 香港教育學院（教育相關課程）、香港公開大學教育系及香港專業教育學院幼兒教育學系。}