我唔記得幾耐冇喺標題用粗口，但係為咗一個座位而嘈咗咁多年，我真係覺得晒氣。香港人有時好鍾意偽善，阿婆冇位坐你就會鬧坐喺度嘅後生扮睇唔到，但點解港鐵站門口有個阿婆坐喺度乞食，你又唔鬧經過嘅人咁都唔比返十蚊八蚊？為咗個位嘈到咁樣，不如第日巴士港鐵全部位都拆咗啲位去，全部人淨係可以企。咁一嚟又唔洗嘈，二嚟每轉又裝多幾條友，香港做生意梗係咁做啦係咪先？
香港政府好鍾意講包容，周街有人遺金要包容，搞到成個小學都講普通話更加要包容。但係點解你哋又唔包容下個後生，可能返工返學成日好攰，可能佢唔舒服，可能腳痛？如果歐洲美國係種族歧視最嚴重，咁香港就一定係性別同年齡歧視。男人有幾弱勢我之前已經有講過，而喺香港，只要你係後生，你就係社會嘅最低層。如果你係一個後生仔，恭喜你，你更加係地底泥。只要你係後生仔，基本上就係有罪，見到阿婆唔讓座係廢青、見到大肚婆唔讓座係垃圾、見到阿叔唔讓座係人渣。你話後生仔掛住玩電話睇唔到咩，淨係識做低頭族嘅肯定係溫室小花，唔挨得。
搭巴士胡楓都叫我要玩就坐低先啦，我而家坐低咗又唔可以玩電話，咁我要部智能電話托柒啊？明明所謂關愛座一行頂盡得兩個，但係後生仔跟本就冇坐嘅資格，咁不如第日全部淨係比班所謂有需要人士坐啦？但係班大陸人又唔識睇繁體，有位就一定同你搶，理得你係九十歲嘅傷殘阿婆。你話佢，佢又會屌返你轉頭，最後又係坐喺度唔肯郁。所以學黃子華嘅魚蛋論咁講：我冇得坐唔緊要，我要佢都冇得坐。咁樣先係最符合香港人嘅價值觀，亦都符合運輸公司嘅經濟效益。
我唔知點解，但凡有咩事都好，錯嘅一定係後生。買唔到樓係後生唔敢拎借政府嘅大學學費炒孖展、覺得人工低，係你唔肯為公司付出，唔試下一日三餐淨係食方飽、政府話結咗婚生五個就最好，而政府又覺得你班後生唔係五個都養唔到掛。好啦面對住咁多壓力，連放工搭車想坐低自閉下，都要比人話你唔敬老冇人性依樣果樣。你想我哋班後生點啊？一日返廿四小時工，有機會放工隻腳斷都好又要唔坐去「禮讓」老人家，明明月薪得八千，又要比家用，又要拍到拖，仲要儲到錢買樓。你班五六七十後唔係好鍾意話以身作則咩？你做比我睇啦不如。
作者面書專頁：
https://www.facebook.com/