作為蛋黃哥 fans，知道有蛋黃哥點心食，當然第一時間就去朝聖啦。間店12點左右就已經勁多人！我就攞31號籌，等50位左右啦，因為當時係叫到80幾，100後再重新計過。



店舖室內位就一眼睇曬，40個左右。而室外就有多6­、7張枱，每張都坐到4至6人咁啦。



蛋黃哥 Menu 一眼睇曬，有9樣。如果唔夠可以再叫返啲 basic 嘢 ╮(╯▽╰)╭。





等緊位期間，可以睇下蛋黃哥產品。



等。。。悶到我開始攞今日嘅伴食朋友，亦即係蛋黃哥出來玩。



等咗2個鐘，終於到點嘢食時間。9樣嘢食，3樣 Coming Soon，3樣 Sold Out。 真係。。。都唔知叫咩好。



等食期間，周圍望下，啲枱墊好可愛 <3



呢間嘢要收每位茶價的，普通$10位，不過嚟得朝聖，梗係要點苿莉花甘茶。多$10，就有一個杯墊。 ψ(｀∇´)ψ重抵過買Tee。



前菜，未有蛋黃哥蝦餃，就食住普通先啦。



主菜嚟喇，蛋黃哥蝦漢堡。



記住要食曬嚟野，搵墊底嘅蛋黃哥出來丫。



冇蛋黃哥甜品，只能夠食住焦糖燉蛋先 ( ´_ゝ`)

後記：
如果對蛋黃哥少點愛，都會想屌柒店員。佢哋係完全唔知做緊咩，賣曬又唔早啲同你講。要改單，就食完，想埋單，都未攞返張單嚟。 ╮(╯▽╰)╭仲要不停問你係咩枱號，好幾張枱都一見店員送野過嚟，就自動講自己咩枱號，睇到我笑咗出嚟。店員豬到要店主苟姑娘嚟幫手。真係要俾個「叻」苟姑娘ヾ(*´∀｀*)ﾉ。