啱啱喺幼稚園做一個有關家庭教育嘅講座，我播咗一條短片：

接受蘋果訪問嘅陳太表示，為咗個仔入讀喇沙，由油塘搬到九龍塘，上年仲特登由全職轉做兼職，又每星期畀個仔報讀11個興趣班，包括劍擊、跆拳道、游泳、非洲鼓、中英數等等。



我問咗幾位家長對片段有咩睇法：

家長A：片入面個媽咪幾好喎，一睇就知佢唔止帶，係陪小朋友上面試班嘅好媽媽。因為而家好多小學面試都係家長同小朋友一齊面試，小朋友一做得唔好，家長一提點，小朋友即刻做番好可以有分加。舉例，片段入面小朋友唔識答開心，個阿媽叫佢答開心，佢識答；叫佢答大聲啲，佢又冇扭計即刻大聲嗌好開心。媽咪報讀嗰個面試班真係 TRAIN 得好好喎，阿 SIR 你知唔知佢報邊間面試班。

我：。。。。。。。。。。。。。我想將重心放喺家長有某啲地方做得唔好，有冇家長睇到，可以分享下呢？

家長B：個小朋友冇上禮儀班囉，你見佢坐唔定，答問題又唔識望人，應該係個家長為咗慳嗰啲啲，唔幫佢報禮儀班，有冇搞錯！

（我聽到真係想走。。。突然家長C搶咪)

家長C：仲有個阿媽係咪冇幫個仔搽遮瑕膏丫，黑眼圈咁大嘅！呢啲錢唔慳得架！

（我心諗：＿　＿　＿　無得救！）

（蘋果動新聞截圖）