英超首周於主場倒灶的曼聯，周末（8月13日）披上全新作客青色球衣出戰賓福特，有C朗復任正選，以為可以重新上路，卻遭遇恥辱性大敗狂吞4蛋，平了近30年以來最差開季成績。

曼聯於上半場就已經落後4球，開賽僅10分鐘，賓福特的達施華禁區頂施射，紅魔門將迪基亞居然「派膠」失守。18分鐘，迪基亞開出龍門球，迅即被對手拍甩，馬菲亞斯贊臣射成2:0。30分鐘，新加盟的中堅賓美爾於門前混戰頂入，5分鐘後，麥比奧莫於一次快速反擊得手，為賓福特半場領先4球。

換邊之後，曼聯領隊坦哈格換入華拉尼、麥湯文尼及馬拿斯亞，試圖止血，雖然亦有中龍射門，但始終未能破蛋，最終以0:4見負，開季兩戰皆北排榜末，下仗將要遇上利物浦。

今季英超30周年紀念，曼聯只曾試過一次英超開季兩連敗，正正是30年前的1992/93球季，不過該屆紅魔仍然取得聯賽冠軍。

至於曼聯的同市宿敵曼城，則於主場大炒升班馬般尼茅夫，開季兩戰全勝，與曼聯相比可算是天堂與地獄。

（Photo by Manchester United/Manchester United via Getty Images）