《鳩行德黑蘭》

瞓返覺好，下午兩點懶惰寶終於爬出去。其實我並不喜歡德黑蘭，因為我不太喜歡首都城市。去斯里蘭卡沒有去科倫坡，去土耳其沒有去安卡拉，去尼泊爾為了杜兒巴廣場才留了一天在加德滿都，等等。

所以在德黑蘭完全提不起勁。所謂景點有好多，不過都是為有而有，唯有一個地方我想去的是 Former US Embassy 前美國大使館。來伊朗之前，好友捉我睇 Argo（好似譯救參36小時定德黑蘭事件？），我就好想去前美國大使館睇睇。

一直好好奇伊朗和美國的關係，好不解點解去伊朗要用美金。幾年前睇過本書話伊朗無可口可樂，而家都有了（只是寫成波斯文），周街都係iPhone，感覺無咁神秘，像其他首都一樣，有點失望，唯有希望離開首都會有些不一樣。

如我所料不能進入大使館，唯有看看外牆的塗鴉算了，好靚！



約了 Azin 一小時後見面。既然沒甚麼事情做，我就打算徒步走去目的地。

好很後悔，熱到仆街。我開始發現舊有的流浪 mode 要 tune 過。首先，唔可以鳩行。

找唔到目的地，唯有做回我在斯里蘭卡最喜歡做的事，就係打俾朋友然後遞部電話俾路人聽等佢哋傾。係好好好好玩。雖然幫我聽電話的靚仔哥哥唔識英文，但佢走去搵另一個識英文嘅路人囑咐佢帶我去到目的地，啊。

目的地是劇院，想不到我第一次睇話劇是在伊朗。

Azin 的朋友是導演，Azin 邀請我一起看他的作品。伊朗人原來好好玩。導演哥哥叫我企售票處賣飛，叫我對住啲人講廣東話，睇佢哋會有咩反應。啥米？這不是我最鍾意嘅玩鳩人？然後啲人又真係好玩得，一開始一頭霧水，向佢解釋完又會哈哈大笑。

想不到是三小時的話劇呀，唔識波斯文其實睇得好辛苦，不過以前玩過 drama，就把心神放在欣賞舞台製作。其實好正，加上佢係一套怪誕劇，我很喜歡，又儲多個好有趣嘅經歷。



想起 Azin 前一晚同我講最喜歡中菜，那我就厚面皮咁話煮飯佢食啦。我一邊煮，佢就企喺隔離，兩個人好似同居嘅兩條女咁談心，點解咁夾嘅呢衰鬼。

其實今次係我第一次住到女 host，同一個年紀相近，背景南轅北轍，但思想一樣嘅女仔談心，好有趣。

Azin 係一個萬中無一好唔伊朗妹嘅伊朗妹，思想開放、獨居、讀緊 master、有自己工作、會同外國人去旅行、喺屋企著透視背心唔戴bra（無圖），認真真覺得佢好特別好得意。

延伸：
去伊朗過伊斯蘭齋戒月流浪記#1　#2　#3

www.instagram.com/el.equilibrista