本來以為由頭包到落腳一定熱到 hihi，但伊朗其實沒有我想像中熱，乾熱始終比香港的潮濕熱易頂。德黑蘭現在大概三十七、八度左右。

踩鋼線妹信箱1：「點解要包頭？室內都要包頭？土耳其都係伊斯蘭國家，但唔係全部女人包頭？」

土耳其同伊朗國教都係伊斯蘭教，不過伊朗規定全國九歲以上女性（包括遊客），必須包頭包手包腳，上衣要遮 pat pat，上身最多露手掌，下身就著拖鞋露腳指都得。室內需唔需要就睇個屋企有幾 religious，土耳其就無咁嘅國規。

可蘭經話女性要遮蔽會吸引男人的部位。大部分穆斯林認為頭髮係器官之一（或者視為會吸引男人的地方），所以穆斯林大多包頭。唔包唔代表唔虔誠，虔誠都唔一定會包，總之睇佢自己點註釋可蘭經嗰句嘢。

我在馬來西亞認識的朋友，就話女仔第一次月經後，自己決定要唔要包頭。

我在斯里蘭卡 Galle 認識的老師則認為女性自主，所以佢唔需要佢老婆包頭，甚至手腳都唔駛。

至於個頭要包成點？遊客當然比較寬鬆，你見我有包無包都差唔多，都係睇到我啲頭髮，總之塊布要喺頭上面就得 :D

在伊朗第二天，隨便睡睡就起來去找電話卡（好似已經兩三日無沖涼洗頭）。因為伊斯蘭齋戒月的緣故，沒有甚麼店舖營業。唯有鳩行鳩問，但無乜人識講英文。好不容易在報紙檔找到電話卡的物體，可惜又係雞同鴨講，突然有位美女姐姐出現講句 Let me help you。

我呢粒好人磁石又起反應，美女姐姐了解我的問題後把我帶到她工作的地方，再多好多美女姐姐。最令我滾動的不是有 Wi-Fi，而是她們知道我在室外肯定沒有東西吃所以請我食餅乾，又叫我放放頭巾抖氣，重點係話介紹靚仔我識。

美女姐姐們幫我找到了電話卡，其中一位叫 Sanaz 的美女姐姐最好，寫一大張紙教我點打本地打長途點 check 餘額點增值之餘，仲主動俾電話我，叫我有咩問題就搵佢。wa diu I love 波斯妹。

波斯曆法同西曆唔同，來伊朗之前都無注意日子（其實每次去邊都無留意天氣日子），原來今個月係伊斯蘭齋戒月 Ramadan。

天光唔食得，天黑先食得。嘢食唔食得，飲水都唔得。

餐廳天黑先開門，因為齋戒月賣飲賣食係犯法的，就算我想飲水都要偷偷飲。

不過都有另外，旅行者不需要齋戒。

假設一位住在德黑蘭的穆斯林，佢在德黑蘭要禁食，但去到別的城市就不用，所以齋戒月好多伊朗人去旅行避禁食（但虔誠的穆斯林會鄙視這種行為）。

「遊客不受影響，做遊客生意的餐廳會照常營業」呢句一定係大話。事實上只有雜貨舖有開門，所謂會賣凍食物的地方我都唔見有。問問cafe甚麼時候開門？night，night，喔也是天黑啊。

整個下午遍尋不獲，電話卡的網絡好廢，又肚餓又頹就行返去美女姐姐公司樓下偷Wi-Fi！哈！由五點坐到七點，蛤？怎麼還未天黑？最後等到八點才日落，九點才天黑！

延伸：
去伊朗過伊斯蘭齋戒月流浪記#1