早幾日一行去東北賞櫻，惜氣候反常，在弘前公園和北上展勝地，只有一片綠油油，幸還得芝櫻早開。尾日在北上市，找到間和牛店【ステーキ・鉄板料理和かな】，吃前澤牛和岩手牛（いわて短角牛）鐵板燒。東北果然不算是出產和牛的好地方，不致於衣襟綻裂，但價錢驚人。日本黃金週 GW 套餐，每人兩款牛各 150G，另加前菜燒菇炒飯甜品等，每位 8,000 円，即 HKD 500 左右。

早幾個月在香港，吃尖沙咀 THE ONE 的【鐵板燒海賀】，無論是環境和食材水平都接近，每位 HKD 1600 （仲要加一，日本無加一）。年初也去過尖沙咀舊日航的【嵯峨野】鐵板燒，每位也要近 HKD 1500。以所謂香港第一流的價錢和水平，比起北上市這間無名小店（tabelog 才 3.5 分，普通級)，水準還差很多很多。究竟啲錢去咗邊？食材搭飛機真係要咁貴？

嫌北上市偏僻？前晚就在東京市中心既中心、六本木 Hills 步行五分鐘內，吃過這間 RRR Bistro。請看餐牌：前菜三款連【45日乾熟成近江牛肉眼炭火燒】、【25日濕熟成神戶牛炭火燒】或【熟成黑毛和牛肩肋炭火燒】150G 三揀一，連和牛咖哩飯、甜品餐茶，才 6,800 円 - 即 HKD 450 有找！

我們一行三人剛好食晒三款，近江牛最佳，始終 dry-age 和牛是殺著；其餘兩款也不差，小妹妹嫌多筋了點，兩位大男孩覺得還好。環境是有點迫，全場幾乎都是情侶，氣氛地段一流，以價論貨，無可挑剔。

我算去過不少次的香港洲際 The Steak House，一客 120G 飛驒和牛 - 沒有熟成也不連餐 - 索價 HKD 2,380，味道實在比不上這家 RRR Bistro。便宜一點在 K11、我歸類為「抵食」的 Steik World Meats，美國牛肉 set 也要 $680 起跳，還未計索價過千的 Ruth Chris 等垃圾了。

其實我想講，響香港出街食飯，係畀緊食材同大廚人工？定係出街交稅畀政府？日本的工資水平，比香港高很多，物價卻比香港便宜很多，為甚麼？香港所謂美食天堂，一早畀日本完完全全拋離；香港所謂既低稅率，亦從來都係謊言！

高地價本身就係一個累退式從價稅，即比例上，越有錢付稅佔入息越少，越窮既負擔越重。呢個事實，充份反映在居住成本佔入息的比例之上。社運人士口中所謂嘅地產霸權，不過係抽下佣、幫政府收稅既稅吏，那上千億的地產項目、幾百億的地價，全部由我們以衣食住行時的極高昂費用，支付租金、樓價，然後給這個無能媚共的政府，拿去起無人搭嘅高鐵、起飛唔到嘅第三跑！

真相係：一個呢個港共政府存在，一日香港人都唔駛旨意可以平平地有好野食。香港人遲早連大陸垃圾毒菜、同激素豬肉都買唔起。