日本可口可樂公司宣布，將於4月16日發售可口可樂及芬達「Frozen」系列新飲品，特點是會凝結成沙冰狀態。

可能你會話，日本同香港汽水機都出過凝冰可樂啦，有咩咁特別嘖？過往係靠汽水機製冷保持約攝氏零下4度低溫，再透過開瓶的氣壓變化產生快速結冰現象。而今次推出嘅「Frozen」系列對溫度控制要求簡單啲：放響冰格雪凍佢，拎出嚟室溫擺15至20分鐘，再揉壓PET軟袋包裝，就會變成凝冰口感。不過為咗防止包裝會破裂，「Frozen」並唔係有氣飲品，而可口可樂都已經調整配方，盡量還原個口感喎。

可口可樂聲稱呢款新產品已研發了8年時間，希望適合外出及休息時飲用嘅新產品能夠擴大學生及20至30歲年輕市場喎。4月16日會先在日本全國推出三款口味，包括檸檬味可口可樂、提子味芬達、同埋橙味芬達，定價未連稅約130日元。不過容量就少啲，得125克，隨時幾啖冇晒。