入境處處長陳國基今日（4月4日）早上出席商台節目《政經星期六》時，指上月訪港的大陸及外國旅客均減少，擔心可能受反水貨走私行動所影響。陳國基又認為示威行動不足以打擊水貨走私客，又指從事水貨活動的港人比例，已經超越大陸遊客。

根據入境處數字，上月訪港旅客較去年同期下跌8.7%，其中大陸客就跌10%，外地遊客則跌4.7%，陳國基就擔心反水貨走私行動，會令香港旅遊業聲譽受損。

陳國基認為，打擊水貨客的工作，應交由執法部門處理，而非市民自發，以違法或接近違法的手段處理：「因為未必真係能夠達到大家所預期嘅目的，因為頭先我所講，如果一啲水貨客要嚟香港賺錢，你呢啲示威行動，不足以令佢唔嚟嘅，佢都會繼續嚟，但係真正嘅旅客就畀你嚇怕咗，佢以後就唔嚟，所以呢，你以為反緊水貨客，其實你係反緊真正嘅遊客。」

不過陳國基就指當局難有足夠證據，對從事水貨活動的大陸人作出檢控，但就強調執法部門會繼續打擊水貨活動，並會拒絕這類人士入境，認為是其中一個有效的打擊方法。

（港台新聞截圖）