泰國菜可以說是香港人最愛的三甲之內，君不見成個九龍城都係泰國菜？每個商場都一定有間泰國菜？哥剛剛到曼谷放完大假，回來後對生蝦念念不忘，低又不想外出消費，唯有自食其力。

問過開泰國菜館的朋友，泰式魚生多數用泰國草蝦，市面上不易買到。還好朋友發現超市有好用的代替品，為急凍越南虎蝦，記得要買寫明「刺身用」那種才可以生食。打邊爐最緊要係個爐，生蝦最緊要就係個汁，生蝦汁要有青檸、魚露、蒜頭、指天椒及沙糖，依個人口味溝埋再淋上解凍後的生蝦即可，簡單在家做出泰國風味。