火龍果一向都受歡迎，就算不夠牙力的長者，都可以輕易進食，但若果買了「橡筋火龍果」，真的不知如何是好。
有網民表示昨日（10月20日）下午於深水埗桂林街，以10元買了兩個火龍果，而且還是「好大個」，當切完第一個後，進食時發覺甜得好過份，猶如「食砂糖咁」，她隨即吐出，到切第二個時發現更加恐怖，原因是好用力扯才扯得開。
苦主在肢解完火龍果之後，形容「入面d黑色粒粒仲可好獨立地分解痴滿我隻手，好似黑芝麻咁！」苦主亦都上載片段，見到火龍果猶如漿糊一樣，「摵都摵唔開」。
今年6月，有網民亦曾表示於深水埗購得嘔泡中國西瓜，引起一輪恐慌。
（Facebook 片段截圖）
好恐怖。。。橡筋火龍果！！今午係深水埗買，$10兩個（好大個），切第一個食一兩啖覺得甜到好過份，好似食砂糖咁! 即吐覺得唔對路! 隨即切第二個，仲恐怖，切唔開，扯都要好用力先扯得開！！肢解完個火龍果，入面d黑色粒粒仲可好獨立地分解痴滿我隻手，好似黑芝麻咁！大家最近買火龍果要小心！！（附上相片在第一個comment, 好核凸！！）
Posted by Vikki Ng on Tuesday, October 20, 2015