是次撰文，並不打算以道德角度批評警察，因為由你哋向港人打響第一炮催淚彈時，已經知你哋係冇良心嘅。現以時局論政，只想話畀你哋知，你哋只係共產黨在港即棄安全套，洩憤完事後，垃圾桶係你哋唯一嘅歸所。

港人有增無減嘅勇武抗爭，已引起國際傳媒關注，也在大陸引起廣泛討論。習總新政，龍椅尚未坐暖，周永康（大陸嗰個）呢個頭號政敵勢力尚未連根拔起，而周邊國家對強國崛起極不友善，內憂外患之際，呢個時候斷估唔會再辣火頭。當年8964天安門鎮壓，鄧小平不也是在打完越南（外），消滅完四人幫（內），一切大權在握才出手鎮壓的嗎？

只能慶幸香港政改是在習李新政，內外亂政未平嘅年代發生，要是遲多幾年，習總坐暖龍椅，温暖思淫慾，利用鎮壓香港來鞏固權勢，鎮壓第一炮便不是警察之催淚彈，而是解放軍火箭炮，直接打真軍！冇計，時也勢也！

香港的警察，不懂時勢，忘我咁鎮壓。大陸已察覺唔妥，好快就要689交替死鬼，而689就會交出禿鷹，禿鷹自然就會交出你幫差佬。你為佢買命，佢買你命！！分分鐘按國際刑事法同人權法將帶頭嘅督察鋃鐺入獄，你認為高高在上習皇帝會在乎你哋啲呢幾條差佬咩？咪打飛機啦！

共產黨棄軍隊而用警察鎮壓，中間隔咗一層，無非係想洩憤完事後，立即抛棄，乾手淨腳。 頭號梁粉，兼共產黨在港大家族式勢力范椒芬已經放緊口風，「警方的處理方法激發民憤，相信警方亦要向行政會議交代」；「希望以制度處理今次的問題，包括由監警會調查警方的處理手法」的說法， 好快會成為「主流民意」。

此情此景，不禁令我想起，某次曹操行軍，無糧而士氣低落，故斬殺糧官，並訛稱糧官私吞糧草，重振士氣，收復人心。習總是曹操，警察自然就是糧官，港人士氣低落，反共之聲前所未有咁高，接著嘅情節，差佬，你懂的！ 呢個時候，想明哲保身，最聰明嘅係倒戈，次一等會辭職，再次一等會請假，最on9請繼續鎮壓吧！歷史是不斷重演，我只能引毛澤東1966 講過的一句話：「凡是鎮壓學生運動的人，都沒有好下場！」