早幾年已經有片話，過往好多行業（包括專業）消失，因為社會、科技發展進步而淘汰，而呢個趨勢會加劇，變得更快。當然會有好多新興行業、職位，所以大家要有危機感，要識走位。

而切身啲，就算唔支爆，大家都知鄰國經濟增長放慢，有行業直頭萎縮，廣東一帶幾多廠執笠、幾多廠佬冇工做，我知前 Status 講過。只要繼續差落去，或真係支爆，香港有不少行業，尤其金融地產會裁員（Well，"restructuring"同"downsizing"呢兩個term唔陌生，尤其呢半年）。咁大家有冇諗過，自己份工仲保唔保得住？　　

就算唔計失業，呢家好多 Skillset 都冇咁值錢。例子：
A）寫稿，唔係講叫作者寫文唔比稿（當然不要得，冇稿費唔好叫我寫），而係講記者。早兩年開始，外國好多財經新聞係用 Program Generate 出嚟，咩新經濟數據、分析、評論，統統係 Template，自動變出嚟。上星期見鄰國都做到了。

呢個技術好快唔單只好到做新聞，更去到評論文章，我平時大約一小時一千字，人地用Coding一分鐘一千字，仲要冇咩錯別字，死未。好彩我唔靠稿費開飯（但課金都係要的），但記者呢？即食世代，「深度調查」仲有冇市場？

B）Recruitment
大家點搵工？Job*DB？他們快要令僱主及求職者不能力互相知道聯絡方法，要迫大家靠其平台配對，方便賺錢了。LinkedIn？香港好多行業仲未紅到好似外國咁常用（唔識嘅睇舊文，三部曲講用LinkedIn揾工）。
Recruiter？其實有前面兩個網，好多Recruiter少咗Job做，就算有都係高端headhunter （舊文：獵頭不就是招聘中介嗎？），或好難搞的，先至有價值。

Recruiter少咗Job同時，亦自貶Skillset。有人話Recruiter會免費執CV，就唔肯比錢，是的，外國呢個Service仲有水食，香港？所謂免費執CV嘅迷思做爛咗（你估你冇開單價值，邊個幫你執？）。有網友PM我，太Fresh嘅我都唔好意思開個正常價，一來Add Value唔多，二來佢地未必Afford到，咁呢，米路又少啲。

無論社會洪流，定係支爆，其實好應該諗諗自己專業會唔會沒落，又或者自己有冇Keep住進步（反面例子：香港的士業），或者有冇能力轉行（而不減生活質素）。
　
1 得業大軍之所謂Restructuring……
http://www.passiontimes.hk/article/04-16-2015/22380