熱血時報 | 怒罵建制派「廢炳唔出聲唔做嘢」 李力持:不能認輸,拒絕道歉

怒罵建制派「廢炳唔出聲唔做嘢」 李力持:不能認輸,拒絕道歉



怒罵建制派「廢炳唔出聲唔做嘢」 李力持:不能認輸,拒絕道歉

雖然特首林鄭月娥早前已宣布暫緩修訂逃犯條例,並就事件引致社會分裂而道歉,但「愛國」導演李力持昨晚在Facebook專頁出帖,怒罵建制派議員係「廢炳」,「唔出聲唔做嘢扮無辜」,要求建制派出錢出力動員,與反對人士鬥過,不能認輸,並拒絕道歉。 

李力持在帖子中貼出一超低解像圖片,上寫有「絕不投降拒絕道歉!」八個「大字」。李要求建制派出錢幫手剪好一些影片,用來對抗對手,唔好只懂得「飲酒應酬爭頭位握手攞勳章」,需要立即行動救港。李又指雖然反修例者稱有200萬人上街,但「怕佢條毛,我有13億人加500萬人!」所以「不能認輸,絕不投降,拒絕道歉」。 

有支持者留言表示,極同意其論調,但「可恨的是唔夠人團結,無論係人或宣傳,所以輸得咁徹底。」另有網民笑指「嗰13億人要翻牆至嚟到facebook喎」,也有人笑指李力持「想R建制派出錢比佢拍廣告」。


(圖片來源:李力持Facebook專頁截圖)


作者
讀者回應
相關文章