「你哋冇做錯到」、「警察好似慈母一樣保護兒女」、「人之常情」，以上都是自佔領行動之後，警務處長曾偉雄的金句，今日（4月23日）曾偉雄又有偉論發表，指被捕的「暗角七警」一樣可以不合作。

龍和道被7名警員「暗角打鑊」的公民黨成員曾健超，上星期就事件提出司法覆核，要求警方披露涉事警員身份，其代表曾健超的資深大律師麥高義在庭上指出，涉事7警當時極不合作，竟不願意參與列隊認人，在認人過程又拒絕開眼及站立，全程又垂下頭。今日曾偉雄於出席東區區議會會議時，就被問到為何七警可以不合作，但估不到曾偉雄在回應時，竟將「踢保」及認人不合作兩事相提並論。

曾偉雄表示：「當七名警員涉案被捕嘅時候，佢已經作為一個被捕人士，一個被捕人士，不論佢係議員也好，或者係警員也好，佢亦係受同樣嘅法律保護，即係話，一個係被捕人抑或係嫌疑人，係有權保持不合作權利，或保持緘默嘅權利。大家不妨諗吓，好多被捕嘅議員去到警署嘅時候，採用不合作嘅態度嚟到接受警方嘅查詢，甚至係警方要求佢擔保時候所謂踢保，呢啲係咪亦都係被捕人士嘅權利呢？如果議員可以享有呢啲權利嘅時候，被捕嘅警員點解又唔享有呢個權利呢？呢個亦值得大家留意嘅。」

（無綫新聞截圖）