今日（4月1日）愚人節，不少網站都會整蠱大家，認真地發佈不少搞笑資訊，不知道你有沒有中招，以下為幾個較有趣的惡搞貼文。

IKEA搞廉價航空？

瑞典家居品牌IKEA就於 Facebook 貼文，指會在2019年推出廉價航空FLIKEA，而且更可以由瑞典長距離直飛澳洲。當然，說不定兩年後真的有飛機可以完成大長途飛行。



塔斯曼尼亞飄移？

在香港，經常聽到有關港珠澳大橋人工島飄移的新聞，究竟非人工島有沒有可能飄移？澳洲版本的「國家地球雜誌」官網就出文，指位於澳洲南部的塔斯曼尼亞島愈飄愈遠，懷疑與氣候轉變有關，甚至乎會影響澳洲與紐西蘭兩國的關係。

毫無疑問，特朗普話齋，這是fake news。



樂桃航空搞空中電車？

樂桃航空（Peach）在 YouTube 頻道出片，表示有「重大發表」，消息指航空公司與南海電鐵共同執行一項秘密計畫，秘密研發的「空中電車」登場，將電車與飛機二合一，可以載運更多旅客，真係叮噹都諗唔到。



Burger King出牙膏？

Burger King的法國YouTube頻道出片，指推出了WHOPPER味牙膏，令大家齒頰留香，人見人愛。



高登變晒成人台？

香港高登討論區推出愚人節特別版面，驟眼一看，還以為全部變成「成人台」，祝大家不要入錯。



藍妹薯片？

近日卡樂B推出了可樂味及海鹽雲呢拿雪糕味薯片，反應不一。藍妹啤酒的 Facebook 專頁就表示，經過多年研發及試食之後，終於推出啤酒味薯片，更聲稱「只要超過3,000個likes 我哋就會找數 ，現真身俾你睇」，現時Like數就已經超晒標，究竟會點？



香港航空幫單身旅客配對？

香港航空在官方 Facebook 帖文，指全新推出「Sweeten You TWO Up」單身旅客配對服務，可以稱得上是毒L喜訊，如果是真的話。