投票日，在此我想感謝一眾手足，尤其是願意出來參選的六位熱狗。

成立「熱血公民」之前，我已經積極參與民主運動，但係其實嗰時好輕鬆，當時我身為一個作家，只需喺某啲議題上面表下態，分析幾句出下sound bites，喺示威場合亮下相，大不了咪衝下屌下，大家就自然覺得你好勇敢，好有良心呀！

幾撚容易～～

喺香港，好多人所謂「支持民主」其實只係附庸風雅，不涉利益生計，綁條絲帶裝飾一下，這種「支持民主」，就跟「熄燈一小時保護地球」、「飲Starbucks支援公平咖啡貿易」差唔多。

但當你真心想改變社會，想改變香港，你需要落水去搞。

係落水，唔係抽水唔係白水。

搞抗爭搞政治，比你所想像的更複雜，除咗你會係新聞睇到嗰啲政治檢控、暴力、滋擾之外，你同時要去經營組織、處理人事、籌措經費，上述呢啲野係冇得拎出唻賣小強的，而且去搞呢啲野，仲會畀位一啲無聊人去造謠抹黑：你搞組織工作，佢無厘頭話你「變咗政客呀」；你努力賺錢籌措組織經費，條仆街話你「昆水」；真係籌到錢投放喺運動或媒體運作上，佢又話你「啲錢唔知邊度唻」；你去推動組織發展、培育新人，佢九唔搭八話你「變咗質」、「佢以前唔係咁，佢以前好獨立架」（結婚之前仲獨立呀，白痴）。

落水，就是這麼一回事！
「抗爭，總是滿身泥濘，而唔係扮晒黎明。」（節錄自全港最受歡迎網台節目《笑死朕》）

這幾年，愈來愈多人抽水，但慶幸也愈來愈多人落水。

這次區選，又多了六個，謝謝你們，你們落水了！

落水名單：
黃潤基（南區利東一、1號）
蔡文龍（南區利東二、2號）
梁𧙗敬（黃大仙慈雲西、1號）
方智龍（深水埗元州及蘇屋、2號）
鄭松泰（屯門樂翠、3號）
李政熙（北區天平西、3號）