HKTV爭取發牌，星期五晚（即今晚）係政總吹大雞。但因為之前左膠詐騙呃捐款，搞on9商討驅散群眾，搞到左膠被圍剿。HKTV員工重奪集會主導權後，集會不單止無散到，反而因為不斷有藝人撐場，保持著社會關注度，集會有聲有色。
但因為之前出現過「唔准籌款」、「員工組成人鏈助政治人物示威」、「王維基聲言與中央無關」、「HKTV員工希望事件去政治化」等等，部份左膠社運撚居然話因為去政治化，唔想參與。
點解佢地咁諗？因為係佢地心目中，所謂「騎劫」、或者讓事件「政治化」，只有一種方式，就是讓身為政治人物、社運代理人嘅佢地，走上台做主角！佢地心目中嘅參與，就只有「讓我個樣我支旗出現係鏡頭前」，呢班友個腦用膠做，佢地心目中嘅「政治」，就係畀佢地上台嗌「係唔係？」、「好唔好？」
我之前寫左篇文≪社運必須借東風≫，我係鼓勵要將事件政治化嘅！
但要將事件政治化，唔撚代表你要上台同HKTV員工爭出鏡、爭做主角架嘛，柒頭！
- 是否政治事件，唔係主角說了算！
王維基希望事件「去政治化」，完全明白。但唔係佢講左唔關中央事，就真係唔撚關架嘛！王維基同HKTV員工，係運動主體，係主角，佢地嘅訴求係優先，呢個唔撚駛拗。但係，點解佢地嘅訴求冇人理？不得受理呀？係呢個point上面，自己可以扣上一籃子嘅「政治因素」！要令事件政治化，你只須從旁解讀，根本唔需要同HKTV爭舞台！同藝人爭搶鏡？白痴先會咁做。 - 人多就係政治事件
不論台上主角，是否希望事件去政治化。只要台上嘅人，係向政府表達不滿，就算只係要求有牌做生意，有得開工，都好！只要係對政府有不滿，而台下，聚集到十幾廿萬人，咁不論台上主角嘅訴求是否政治化，成件事就必然係政治事件！一個政府搞到幾十萬人上街，無論因為咩事，都應該負責！如果嗰十幾廿萬人，堅持唔走，就算台上主角，只係要求要「免費wifi」都好，政府都要倒台！當然，台上主角可以要求「散水」，呢種情況都發生過幾次，但係，群眾如果意志堅定的話，其實係散唔到嘅。 - 網絡時代，善用輿論，你話政治化就政治化
網絡做時勢嘅時代，如何解讀一個運動，唔係幾張大報嘅專利，你都可以做到。台上主角唔想事件政治化，你可以尊重，但如何解讀十多萬人嘅集會，你都有權利。
佢地要求嘅只係發牌，你就無謂迫人去反政策，但你可以為此下註腳，發唔到牌，就係因為港共政權要做文化清洗！要有選擇權，就要打倒港共！
好似HKTV做個「港版半澤劇場」，佢地無講反政府架，但係個劇入面，學位奶粉洗腦教育樣樣齊，你幫個手推一推，件事自然政治化！
而家咁多網上媒體，要將十幾萬人集會，加入政治意味，將力量矛頭，指向政權，實做到架，以前蘋果成日玩呢一套。
當左膠係度慨嘆無法騎劫運動，於是就唔想去，不如，動用下嗰尐左膠網上媒體，例如：獨媒、主場新聞嗰尐，加大力度出多尐文插港共689，而唔係好似呢幾日咁，獨媒、主場，係咁出文幫左膠辯護，不斷出文為呃捐款開脫。唔該呢尐左膠網上媒體，讀下Q爺嘅文章＜矛盾分主次＞，一齊槍口對外。
(圖片: Atwood / 社運人士 Iverson Ying 之 Facebook 留言)