1991年，王Sir「奪命鉸剪腳」當年名震江湖，一招「凌空飛起雙腳撐牆，180度旋轉，夾落去！」令人津津樂道，一直都係警界師兄師姐們爭相仿傚嘅對象──可惜由於過往香城長治久安，警隊缺乏實戰機會，故此這一招警界「大絕」失落多時……

正所謂 Practice makes perfect，唔打唔知功夫好，時下啲打歪後生加入警隊都唔係為實踐抱負：你睇吓啲九十後? 剩係貪起薪點高，個個睇得唔打得，淨係識打機轉珠，有啲個肚腩仲突埋出嚟！幾肉酸！

香江皇家警察嘅黃金歲月都喺九七前。就好似當年「納爾遜式鎖」，對傳說中嘅王Sir嚟講只係碎料。兩指提上，一個後手45度插，就成功解鎖。那些年，Achievement unlock 說來便來，何需四圍講巧威威？仲有最重要係咩？係果種「大膽假設，小心求證」嘅求學精神！ 想當年警隊習武風氣良好，「膊頭有花」嘅警隊高層都要參與「打電話問功夫」環節，齊齊切磋武藝，務求精益求精，以招打招，就連最犀利嘅「鴛鴦乾坤扭紋鎖」都俾一招電話扑頭機警擊破。

本來，香城一片太平盛世，呢啲實用武學都好似小說中嘅輕功、內功、掌法等失傳於世──

但多得本土派嘅一班熱血刁民，呢招「奪命鉸剪腳」終於喺大埔重見天日了！

便衣師兄一招腿法，張開腿夾實，就順利將女刁民成功制服，任由魚肉；混亂間合理化地掀開佢件衫，順便睇吓肉。一展「入警隊、抽你水」嘅重大抱負。睇個弧度就見功架，將王Sir「180度旋轉，夾落去﹗」嘅腿法發揮得淋漓盡致！夾實果吓仲可以同個女嘅談吓心，說服佢嚟警署「廁格搞鑊」都仲游刃有餘。

恕諗過考輔警嘅小弟講句，無可否認，便衣師兄今次嘅對手就認真弱少少。俾著我係個女刁民，如果來一招「猴子偷桃」巧妙應對，咁警隊睇怕又多個對手了！