前天早上發生了件小事，好小，可能係大家嘅生活上面經常發生。
一如以往，南區 Hui Lok 依然7:15在巴士站頭排好隊，星期一異常地多人排隊都習以為常。排排下有個女士K打尖，打我前面個女仔B尖，打尖女人前面位太太A都即時問：
「小姐，排隊喎。」
K：「喎陶先排HE度架！」
咁我就問前面位女仔B識唔識呢位打尖嘅女士，因為佢係最直接被打尖既「受害人」，佢表示唔識。
咁我就直接叫呢位打尖女士：「排隊啦。」
打尖女士K就開始大聲夾惡（操著國內口音的廣東話）：「喎陶先排呢度架！」
呢句野點著咗我晨早流流本應低轉數既腦袋：「我上年排呢度架！排隊啦你！」
當時我身後而已經有卅、四十人排緊隊。
K：「喎陶先排賤（緊）架，喎排咗DEE二渣巴士啫馬，仲排媽隊啊。」要明就明啦，起碼我當時明大半就算喇。
我：「我上年排你個位就唔使排過啊！排隊啦！」
K：「余家搭包士朱馬，徙乜貢芝著啊！」
最估你唔到嘅劇情嚟啦，女士A對著打尖女人K：「你唔好再講啦，唔好再講野啦。」
無錯，「息事寧人」，係女士A拋下嘅。
劇情沒有出現90年代電視劇裡面排身後嘅人齊聲指責打尖人士，整個空間都鴉雀無聲，我沒有回頭看任何人的反應，這刻我不是需要任何人支持，我氣得如一架蓄
勢待發嘅柯柏文，我冷卻去快速思考，思考間也考量著身後的三、四十人無人「發聲」，思考下一步對這厚面皮的無賴應如何保障我排隊應有次序，不被不守「規
矩」的人剝奪我苦候的位置；這時我想起一個事件：「日軍野田毅千人斬競賽」。
日軍侵華期間，日軍少尉野田毅發動百人斬競賽，之後與一隊小隊十數人憑軍刀殘殺二千人的野史，創造一人斬殺二百五十三個中國人既紀錄。
我同一般人同一時間都問，二千多人怎會被十多人揮刀殘殺？理應一人一篤口水都浸死啲日軍啦。
但中國人就是這樣：「總有人行出嚟擋住他們。」當然是沒有人願意第一個走出嚟才「成就到」這野田少尉的殘殺中國人嘅「戰績」。
有人先發聲，我也發聲，有人出嚟，佢未出嚟，可能我都出咗，時移勢易，原來先發聲的會「息事寧人」，是怕了戰地記者舉機拍攝？還是「小事一樁」毫無再發聲的理由？
南區 Hui Lok 雖則是半個爛佬，也怎想也想不出服眾良方，不敢說怕這潑婦，但面對無賴之徒仍束手無策。想著，想著，要上車了，諷刺的事也出現了。
打尖K一上巴士坐上較近上車門的右二位置，然後全車滿坐，女仔B上完上層，落返下層。
我不是說女仔B非要坐不可，但她應有選擇的，她失去了。（她如不要坐位可直接到下層站立，不用往上層白行。）
我站在車尾位置想了很多，很多。延伸到這兩天我也想了很多……
法治誕生來自規矩，以保障每個人的基本原則。那「如果」周融整個什麼反佔中簽名有183萬人參與（先唔表達個人都有簽名「周融找數」、「我要真普選」、
「香港特有普選」……等等不下過百個網上簽名），以此推論香港每四個人就有一個會嗌「還路於民」，咁係我身後個四十人，你地排隊嘅主旨係純粹排隊？無人出
聲嘅？還路於民「言猶在耳」，你哋唔係要按規矩法治大呼還路於民？保障自身利益？你哋去咗邊啊？有人打尖啊！你哋平時嘅高呼吶喊去咗邊啊？定係一個半個打
你尖小菜一碟？何足掛齒？咁香港養班警員做咩？咁個廉政公署做咩？
定係你想反駁話排隊係人定既，有人破壞都無辦法？總有「啲s」人唔守規矩。
咁要規矩嚟做咩？呢個係自發性排隊？其實可以唔排隊就上車？無人管排隊咁少事？
我有想像過我是我自己的身後及身身後，甚至係隊尾嗰一位，「唔關我事？」、「前前面打尖，我想出聲都無辦法啦，個女仔（即係B）都無出聲」、「有人出聲
啦，仲使咩我出呀」、「一個半個人啫」、「成日都係咁打尖架啦，好出奇咩，嘈咩啊你」、「嘩，隊前面嘈交喎，拍唔拍到片擺上網呢吓？」、「挑，嘈完個師奶
咪賴死唔走，嘥氣啦」、「咪鬼嘈啦，晨早流流嘈生晒，又唔關我事，打尖之嘛」……
真心講，除左呢啲可能性嘅內容，我已經盡力代入呢三、四十人嘅心聲，點解佢哋覺得俾人打尖而唔出聲，當然有部分人完完全全唔覺得有事發生過，或者繼續演繹緊低頭族，根本連「發生過」都唔知道。
說下去大家也知我想表達啲咩野，一班對雨傘革命指指點點嘅人，你們什麼也不是，你們只是懦弱的一群，制度違規各樣逆來順受，連有人打你尖這盤小事，你們也默然接受，說什麼還路於民？民是你個人的？你自己安然接受違規制度就要其他有理解能力嘅人接受？
大家也得反思，對，我們佔路了，
千千萬萬個對不起，
我們也阻礙了你應有的利益，那從這麼一個每日不知發生多少次小事當中，你義正辭嚴過多少次？你沉默了吧。
你，繼續接受不公平對待吧。
但，繼續接受的不會是我們。
由這件小事或叫做逸事，我不再寄望可以喚醒什麼人，但對著雨傘革命的學生和參與者，我們要變奏了，這群他們根本不會理會什麼，什麼東北，什麼超支，什麼膠
論，什麼語言偽術，什麼歷史，什麼自身基本人權，在這四十多天覺醒時間也不會理會，他們只管低頭安分守己當上 Hannah Arendt
所指「平凡之惡」的平凡者吧。
是懦弱還是奴性？這次不用曲到圓。