今年7月中，本港桌球手陳國明帶著自己的Cue棍坐港鐵，竟被指違規遭港鐵發出警告信後，Facebook 專頁《沙田區 Sha Tin District》今日（9月15日）晚上上載了一張相片，指一名女學生帶著古箏被大圍站職員阻止前行。

相片上載後，引來大批網民批評港鐵員工的做法是雙重標準，網民指：「所以現在靠網媒多過靠傳媒。回正題，大陸你就怕得罪冇左份工，學生帶的古箏比水貨一車一袋袋細就捉人，做野雙重標凖！」、也有網民：「雙重標準。學古箏就咩平價公共交通工具都唔搭得，嗌gogovan？搭的士？定uber？人地水貨佬就係咁用公共交通工具黎搵錢，又搭火車又搭巴士，所以話香港地真係處處機會架。」

有一名大圍居民更指身同感受，留言指：「同住大圍，也是古箏人。身同感受。只想對城管說：你無再變態d」其後，版主更指：「為左上位，得到上司奬賞，你可以去到幾盡？」

（沙田區 Sha Tin District面書截圖）