（第一回重溫：http://www.passiontimes.hk/article/07-30-2014/18136）

（第二回重溫：http://www.passiontimes.hk/article/07-31-2014/18151）

喺我到達中學嘅一刻，心諗大獲啦，不過我從容不急咁走入學校，慢慢行到校務處，同書記講聲話見工。書記問我：「我 email 畀你嗰份申請表填咗未？」我快而準咁答：「未，你冇 send 畀我喎。」書記話：「你等一等，我問下校長先。」轉頭，書記就拎咗張申請表比我填；過咗一陣，就叫咗我入校長室面試。入到校長室，中間坐咗一個好有型嘅中年男人（係真心覺得有型，而且好斯文），兩邊係兩個女仕，學務同行政副校長（OMG）。當然面試問嚟問去都係嗰啲問題，而我又好似好誠懇咁想加入教育界咁。唔使十分鐘就 IN 完，我心諗咁快走得就梗係唔請啦。（點解會咁諗？我係尾二面試嘅，但係最尾嗰個入咗去 IN 我先啱啱到，咁都仲請我，唔會掛！）我走嗰時就梗係快速上巴士返屋企啦，反正都唔會請我。

但係世事嘅嘢好奇怪，喺我坐架巴士都未由新界出到九龍，電話就響啦。校長：「我係XXX紀念中學校長，我想請你到本校任教通識科，但係……（babababababa 下刪三千字）」就係咁我就成為咗一個非檢定准用教員。（講得白啲係我入咗呢間中學後，有一次問起校長同副校點解請我，副校就睇中我嘅學歷，校長就話我貌似讀書人，嘩如果我道貌岸然咪死。其實去搵學校工多數都係感覺 OK 就請，唔一定讀中大港大先請架。）

待續………（未講到教員室大戰同我點辭職呀……等等啦）

副教師是真的教師嗎？

我舊老細曾經講過，副教師可以給予新入職同事機會進入課室任教。但是，在教育局的正式編制中並沒有此職位，大多數被學校聘請為副教師的人，學校都沒有為其向教育局申報年資，到他們轉到其他學校就職後才發現他們作為副教師時期的年資並沒有計算為認可教學年資。所以獲聘為副教師的你，必須清楚知道自已的權益。

CM/GM之分

CM（文憑教師）同 GM（學位教師）嘅最大分別係人工和進晉時的差別，現時 CM 嘅起薪點為14點即月薪$23,285，而 GM 嘅起薪點為15點，即月薪$24,450。但是文憑教師只能升職至36點（頂薪點$61,500），學位教師則能升至校長一職為49點（頂薪點$103,190）。其實學位教師和文憑教師的教擔及行政工作無差，但是薪酬上則有很大的差別。有一些校長會跟文憑教師（但本身有學位教師資格的同工）以長約方式簽約，同工有見是長期職位，便不會要求轉為學位教師，但同工只能在文憑教師的方向發展。而有一些校長則以學位教師一職聘請短期合約同工，因為只要在該同工的薪酬到達跳薪點時，只要不和同工續約，學校亦會聘請新的同工以便減少學校人工的支出。