自政改方案「甩轆」事件後，建制派人士一直眾說紛紜，研究責任誰屬。日前有報道指北京認為自由黨不夠團結，又對其他建制派議員冷嘲執諷，矛頭直指自由黨榮譽主席田北俊。 

田北俊昨晚在個人Facebook專頁中，貼出相關報道之截圖，並留言指，「其實D豬都蠢唔晒，仲識賴落我度。不過⋯⋯反應就慢咗D囉，用咗一個幾月先諗到。」，繼續以「豬」來嘲諷其「隊友」。 

上月政改表決後，田北俊個人Facebook專頁上就曾上載一張「豬」的相片，指「邊有咁多陰謀論啊，主要係人蠢無藥醫」，諷刺建制派議員意圖把責任推向一些陰謀論說法愚蠢。而近日兩位局長被撤換，田北俊又曾發帖指「個廚係掂嘅，就多多人都肯走入熱廚房幫手！唔掂嘅就⋯⋯」，諷刺梁營政府「唔掂」，極盡抽水之能事。

（圖片來源：田北俊面書截圖）