假如我是XXX，小學作文題目，最好發揮，但做偽文青以來，最不會用作起題，Oh Well，傲將軍就是傲將軍，個人創作，不求鎂光燈下的快感。不過很壞的史丹利一篇咸故，引發葉朗程的一篇《勾引》，辣著王迪詩，大家當然打算食花生睇戲。有人說過葉朗程的賤筆風格，簡直是男版王迪詩，更有口痕友說，兩個筆名，可能是同一創作集團，王小姐露面後另造的一個神，這些陰毛．．．謀論嘛，我梗係唔信，只靜待Daisy反擊，點知，她的回應仲Surprise過巴西輸七比一：

「近日有位葉朗程先生在他的專欄自稱與一位名叫Daisy王迪詩、從事寫作、家住蘭開夏道和鍾情君悅酒店海南雞飯的人，在咖啡店相遇並相約晚飯。我不知世上是否真的有同名、同姓、同行業、同嗜好、同地址的人，反正小妹並不認識這位葉先生，也沒有經歷過葉先生文中內容的情節。其實一年到晚都有不少我不認識的人自稱同我飲茶食飯，多一個唔多，少一個唔少，大家毋須大驚小怪。」

 嘩！使唔使呀？個Status比傳煤852郵報澄清一樣工整？先不要去 judge 他（葉朗程）寫得好不好，大好機會玩葉生都放過？完全唔理佢，等佢自High面懵過呀叻，得；炒花生在他續篇前，出個涼薄、刻毒回應亦得，但．．．但，Daisy, are you kidding me？This is the worst reply ever. 最不王迪詩了．就讓我厚多士一下，講真話好憐憫地，扮王迪詩出個回應先： 

「狗公何其多，避得幾多個？習慣港男請的王迪詩，Well, to be exact，我唔想，但男人爭住請，都差啲忘記銀包功用係找數，結果七月三日，穿著Miu Miu連身裙，卻忘記帶銀包襯衫，做柴可夫的Edward（一隻狗公，可略，別問牠是誰）又唔識做送早餐，就係咁，企係新開Angelina，點知成廿秒先有把男聲，『我...請呢位小姐，畀多杯Amer....icano。』見到靚女口窒窒唔係罪，見怪不怪，Fine，我一望，又係Gel行頭粗框眼鏡古叔老西，對住我扮專業笑容，呢款中環複製人，平凡面到一轉眼就會忘記，諗住行貨交待兩句走人，點知佢結結巴巴話自己係葉咩澄，What? I simply have no clue. 作家？未聽過。IFC張智霖？我一時無話可說，咬著嘴唇不作聲，恥笑都慳番。就此告別，如斯狗公，每日都見，怎會在意？點知早兩日Edward send篇垃圾文嚟，我先知，原來狗公創作力量同幻想，會嚇你一跳，然後我得啖笑。 點解葉朗程話七月二日，係已關閉的LGB見到我？狗公妄想症呢加嘢，Who fucking cares？ 」 

嫌累贅？假如我是王迪詩，或可者樣： 「葉朗程？What is IT？」

(圖片來源：黃迪詩官方網頁）